Ottawa, back to Toronto, Winnipeg, Churchill, Edmonton

Ottawa, back to Toronto, Winnipeg, Churchill, Edmonton

Es tuet mir leid, dass i mi so lang nuemme ha gmaeudet! Mir si "very busy" (beschaeftiget) gsi ! MIr hei u viu gmacht: Vo Halifax si mir nach Ottawa (Houptstadt vo Kanada) u naer wider uf Toronto.

Dert si mir uf e Zug u nach Winnipeg. Der Zug het nueme 7 Stung Verspaetig gha... Es isch e angeri, aber o sehr interessanti Art z'reise. Het mir sehr guet gfaue! Mir hei viu naetti Luet lehre kenne u viu aenglisch gredt.

Z'Winnipeg si mir oepe e Wuche blibe u hei chli "Ferie" gmacht: Usgschlafe, duer d'Stadt glofe, glaedelet, Luet lehre kenne, Usflueg gmacht, fein gaesse,..

Mir hei ja e Zugpass u dum si mir spontan vo Winnipeg uf Churchill. D'Zugfahrt waer eigentlech zwe Naecht u ei Tag. Wueus z'warm isch gsi u waeg em Permafrost hei mir aber 24 Stung lenger gha. Z'viu! Eignetlech hei mir nume e Tag woeue dert si u em Abe wider z'ruegg. Aber mir si naer zwe Naecht dert blibe, zum Glueck! Mir hei Ischbaere, Belugawale u z'Nordliecht gseh! Haet i nie daenkt! Isch eifach super gsi u het sech sehr glohnt! Wuerd sofort wider ga! Uf em Zug hei mir viu Luet lehre kenne u hei die naer ueberau wider troffe: Im Museeum, bi de Usflueg, im Lade, bim z'Mittag, em Abe,... Churchill isch haut chlin. Het gfaegt!

Mir si naer wider uf Winnipeg u vo dert us mit em Zug uf Edmonton. Hie gfauts ues ueberhoupt nid! MIr si im ne grusige, draeckige, unfruendleche, bloede Hoteu...  Eh aui Luet da si doof! Wueu d'Stadt em boome isch, hets 1000i vo freie Steue u we sech oeper maeudet, de muesse di se sofort asteue. Het viu zweni Arbeitnaemer. Vo Service u Fruendlechkeit isch hie nid d'Red! Mir si froh, we mir da furt choeme!

Em Donnschti (morn) goe mir mit em Zug uf Vancouver. Uesi letschti Nacht im Zug. Wueu mir so viu Verspaetig hei gha, hei mir e Guetschin vo je C$ 600.00 u iz choei mir im Schlafwage mit z'Morge, z'MIttag u z'Nacht reise. Nid schlaecht  ! Mir fahre de duer d'Rocky Mountains, sig u schoen. Auso i froeie mi!

Es isch chli e sehr churzi Zaemefassig, verzeue oeich de daheime meh... Haebet sorg u i maeude mi de wider mau! Bis gli! Liebi Gruess us Kanada!