Ontario / Québec

Ontario / Québec

Mir si äm lengschtä Süässwassär-Strand vor ganzä Wäut gsi, z`Collingwood äm Vasaga-Beatch. Sig schins z`Hollywood vo Kanada. Ha no niä so finä Sang gseh. Wes nid so chaut hät gluftät, wärä mir äuä geng no dert !

Speter si mir bis zum bekanntä u (bi dä Kanadiär) sehr beliäbtä Killbear-Park gfahrä. Eigäntläch hättä mir dert wöuä übernachtä, aber scho vo witäm ha i Schlangä-Warnplakat gseh... Het mi scho Überwindig brucht, überhoupt us äm Outo uszstigä. Äs het bir Amäudig viu Lüt gha u drum ha mi bis zu dä Beschribigä fürä gwagt. Äs isch übär chlini Schlangä d`Red gsi; 50-80cm u rächt giftig! Mir si ömu när (zu mim Glück) nid dert blibä   u hei spetär ä härzigä Camping-Platz gfungä. Dert hei mir när äs gmüätlächs Wuchänänd värbracht.

D`Landschaft gägä Nordä uächä isch sehr schön, abär geng chli glich u ähnläch: Fasch numä Waud, Land wo nid so därzuä gluägt wird u när gägä d`Provinz Québec ganz viu chlini Seeli. Isch härzig u wär äuä cool zum Kanufahrä, villäch spetär...

Mir si viu äm zäutlä. Si abär fasch di einzigä, di meischtä Kanadiär (odär bessär gseit äuä aui) hei Camper. Zum Teu gseh si grad wi Hüsär us. U mir näbä drannä im biuigä Canada-Zäutli, abär das ärfüut si Zwäck !

Üsi nächschti Station isch Montreal. Abär äuä nid bis zum grossä Canada-Day wo äm Sundi, 1. Juli isch. Iz hei mir de Glägäheit, chli Tunder u Ragetä für ä 1. Ouguscht z`choufä !

I la aui ganz liäb la grüässä! Â bientôt!
(Mir si ja iz im "Fanz-Gebiät", abär di meischtä Lüt chöi odär chönntä o änglisch.)

Ha no öpis värgässä. I üsäm Reisefüährär isch no öpis übär Québec gstangä. "Wer aus einer anderen Provinz kommt merkt schnell: Québec ist anders! Es werden weniger Pick-ups gefahren und kaum Baseballmützen getragen. Es wird mehr geraucht und weniger amerikanisch-freundlich gelächelt, dafür mehr europäisch gedrängelt."

Genau so ischs mir auso o vor cho..!