Niagara Falls

Niagara Falls

Geschter si mir zu de Niagara-Faeu gfahre. Mir hei wider mau statt 2 haut 4 Stung brucht, aber heis oemu gfunge .

Es het mir sehr gfraue! Di risige Wassermaengine wo da uf z’Mau ache choeme... 154 Mio. Liter Suesswasser louft jedi Sekundä dert ache!

Wueu z’Waetter nid so schoen isch gsi, si mir naer hinger d’Niagara-Faeu gange. Viu het me z’war nid gseh - ussert Wasser! Vor Site hets naer aber u guet usgesh. Mir si pflotsch nass worde. Drum hei mir vorhaer e gelbe Raegemantu uebercho. Het no lustig usgseh  !

Speter het d’Sunne gschine u naer het me riesigi Raegeboege gseh! Es isch scho sehr imposannt! Leider ischs aber leider o sehr touristisch (worde).

Drum fahre mir morn ab u richtig Norde... Machets guet u bis gli wider!