Toronto

Toronto

Phippu het mi em Maenti fruech am Morge zum Flughafe ta. Het mi u gfroeit, dass er isch mit cho !

Mir hei ab Belp e chline Fueger gha, wo henne Laerme gmacht het. Zum Glueck hei mir nume oepis ueber ne Stung gha u si guet z'Muenche glandaet. Z'Gepaeck hei si grad diraekt i z'Flugzueg nach Toronto verlade.

Der Flug nach Toronto isch u lang gange, aber rueckblickend ischs nid so lang gsi, wueu mir ja iz vier Monet da si... U d'Turbulenze ha i verschlafe !

Z'Backpackers Canadiana Inn hei mir guet gfunge. Mir hei es chlises Zimmer im 2. Stock, mit Doppubett.

Ner si mir mau chli ga luege u henne wit glofe fuer oepis z'aesse u z'trinke z'choufe. (Es isch ja da ersch Namittag gsi.) Aber derfuer hei mir chli oepis vo der Stadt bez. Hochhueser gseh.

D'Luet hie si u naett u hiufsbereit! Si foe zum Teu eifach grad afa rede oder frage ues we mir oepis lang aluege oder nid nache choeme. Mit em englisch geits raecht guet, si verstoeh ues oemu ...

Em naechschte Tag si mir no meh ga luege u wit glofe. Viu Laede hei mir nid gfunge, aber das chunnt de no. Gaeud hei mir oemu scho u viu brucht... Gege Abe si mir uf e CN Tower. Isch der hoechscht freistehend Turm vor Welt! Dert hei mir ues es Bier goennt u chli uf di rise Stadt u Toronto-Isand gluegt. Mir si grad bis zum Sunneungergang blibe. Statt z'richtige Meer hei mir eifach es Meer vo Hochhueser gesh. Isch o schoen. Dert obe hets o e Glasbode. Brucht scho chli Muet uf dere Hoechi. Aber mir si duf gange u hei Bewis-Foeteli !

Hie ischs u heiss! Aber mir si ja froh, dass es nid raegnet! Haut zum schlafe ischs nid so gaebig.

Huet si mir naer uf Toronto-Island. Di Insu isch u schoen u gruen! Aus erschts si mir grad e Strand gange, ga suennele u sogar bade. Isch z'war fasch so chaut wi d'Aemme ! Naer hei mir no e Stung es Velo gmietet (aeue uesi aute vor CH, ohni Schautig u mit Ruecktritt) u si uf der Insu desume gfahre. Naer hei mir gseh, dass es rise Fische het u mir si speter nuemme ga bade...

Morn wei mir mau iz China-Town. U uebermorn choei mir ga z'Outo abhole. Mir froeie ues scho!

I hoffe, oeich aune geits o so guet! Mir heis sehr schoen zaeme! Irgaendwie chas i no gar nid gloube, dass mir iz vier Monet Zyt hei, fuer Kanada lehre z'kenne...I la aui ganz lieb us Toronto la gruesse u maeude mir de gli wider...