Swiss Valley Farm

Swiss Valley Farm

Mit uesem wisse Chevrolet Kobalt si mir guet us Toronto use gfahre. I ha mi henne muesse konzentriere u d'Nitle het mir o ghuufe luege. Nach der Wegbeschribig isch z'ersch aues guet gange, aber naer si mir z'fruech ab em Highway gange. Mit oepe 5 Stung verspaetig hei mir d'Swiss Valley Ranche aber o gfunge u ersch no meh vor Gaegend gseh !

D'Margret u der Hans si ume gsi u hei ues naett begruesst. Si hei ues ihri Farm zeigt. Si hei 47 Miuchchue u es paar Chaeubli. Es isch eifach aues viu groesser aus bi ues. Mir hei da es grosses Zimmer mit Bett, Sofa, Fernseh, PC, Tisch u dusse tue d'Huehner gagle u d'Chue gloeggele... Am Abe hei mir zaeme Braetlet u o ihri Ching (Romy, Simon u Marina) o lehre kenne.

D'Margreth isch geschter mit ues zum beruemte St. Jakob Market gange. De isch sehr bekannt u d'Luet choeme grad mit em Car. Isch eifach e risige Maerit wo me aues cha choufe: Fruecht, Gmuees, Fleisch, Blueme, Kitsch, Chleider u no viu meh. Es het oemu fuer aui oepis. Aber mir doerfe iz no nid z'viu choufe! Soett eh scho z'meischte heischicke, wueu i z'viu ha mitgnoh !

Speter isch si mit ues no i z'Mapple-Sirup-Museeum. Dert gseht me wi si der Ahorn-Saft gwinne u speter der Ahorn-Sirup mache. Isch no interessant. Z'Ganze hei si im obere Stock vo 4 zaemeboute Silos gmacht. No e gueti Idee!

Huet si mir es Rodeo ga luege. Das isch sehr spannend gsi. D'Riter kenne eifach nuet u hei ke Angscht, ob iz uf Ross, Munine oder (di ganz Dhline) uf Schaf rite.

I maeude mi gli wider. Haebets guet!