nord-und suedinsle new zealand

nach guet 2 monet umereise, bin ich jetzt widr zrug in auckland wo ich d'sprachschuel gmacht han, um allne alte fruende tschuess z'saege.

ziit unterwegs ich eifach fantastisch gsi, will du gsehsch unglaublichi sache, alli sind easy ufgleit und du lernsch a jedere ecke neui mensche kenne.

als erschtes bin ich mit aem auto uf coromandel halbinsle gfahre, doet gits unteranderem dae "hot water beach".  adem sprudlet jede tag anere bestimmte ziit heiss wasser usem bode, so chansch du es loch in sand grabe und hesch din eigene whirlpool.  noed wiit awaeg befindet sich d'white island, das isch ae einzigartige vulkan insle - mir hend ae gasmaske und helm becho und hend bis an krater choene ufelaufe. uf aem waeg rauchts und stinks ueberall nach schwefel. witer idere region gits verschiedeni thermal- und vulkan gebiet. am beschte het mir s' waitapu gfalle. u.a. gits doet da champagne pool, wo 74 grad heiss isch und am name wuerkli alli ehre macht. witer gits aes teufels bad, aen see mit smaragd gruenem wasser. aes het no anderi pools und wasserlocher mit verschiedene farbe.

nach dere ruhige ziit han ich chli adventure bruucht und han river rafting uf aem kaituna river gmacht, wo mir au en 7m wasserfall abe graast sin. gfolgt vo bungy jumping und sky diving in lake taupo.

witer richtig suede han ich am "tongariro crossing" halt gmacht. das isch aen tages walk dur aen nationalpark mit vulkanischem ursprung. am startpunkt bin ich zimli doof agluegt worde, will alli sind voll usgrueschtet gsi mit guete wanderschueh, grossem rucksack, jacke, stoeck usw.......und daenn bin ich cho mt adidas turnschueh, hawaii badehose, t-shirt  und aeme chline tagesrucksaeckli. abr heeey, ich hans ohni problem is ziel gschafft. ich bin sogar froh gsi, dass ich noed so viel mitgno han, will aes isch uh steil uf und ab gange.

um no dae summer choene fertig z'gnuesse bin ich ae d'wescht kueschte gange, wo ich am surf highway entlang gfahre bin.  doet han ich mini technik choene verbessere. ich chan jetzt uf aem board stah und uf dae welle riite. wenn abr ae grossi welle chunt, bechum ich problem und mich hauuts vom board is wasser......jaenu heisst halt uebe, uebe und nomal uebe. eifach ae schoens lebe, dae ganz tag surfe, mit aem suneuntergang znacht esse und bi sternehimmel ischlafe........wauuuuuu.

churz bevor ich han woele uf d'sued insle gah isch mis auto kaputt gange. nach 5000km han ich leider vo mim brum brum muese abschied neh......schniff :-((     so bin halt fuer diae reschtlichi ziit per auto stop und bus unterwegs gsi. in picton uf dae sued insle han ich mit ere kollegin ae 2-taegigi sea kajaking tour gmacht. mit aem kajak hesch dae malborough sound mit dene viele buchte und fjords am beschte choene erkunde. aschluessend hend mir au grad no ae wein-tour mit aem velo gmacht. doet hets zahlriichi strasse mit eim weingut nach em andere. s'deguschtiere isch kuul gsi, mir sind abr leider no kei wein experte worde.

fuer diae noechschte 2 wuche bin ich mit aeme kolleg vo minere schuel unterwegs gsi. mir sind vo golden bay bis christchurch gfahre. u.a. hend mir au in kaikura stop gmacht, um whale watching z'mache. will mim geburi, am noechschte tag gsi isch, han ich mir grad selber aes geschenk macht und mir aen helicpoter flug goennt. wau wau wau.....das isch eifach unglaublich gsi, s'erscht mal wo ich helicopter gfloge bin und wo ich aen wal gseh han. aes isch uh idruecklich, wenn du das riesige tier (ca. 20m) im wasser gsehsch. min geburi hemer daen in christchurch gfiiret, wo mir aen fruend bsuecht hend, wele ich in australie kenn glernt hend.......so bin ich doch no zum feschte cho.

danach simer widr getrennti weg gang, hend eus abr in queenstown nomal troffe und zeme d'wescht kueschte gmacht.  ich bin daenn witer ueber lake tekapo und wanaka nach queenstown gfahre. das isch diae ultimativi party stadt vo new zealand und bin sicher 2 wuche doet bliibe......iiihhhhaaaa. doet han ich au no min 2. bungy jump gmacht - damal dae hoechschti vo new zealand mit 134m ......uuuuh, das isch hammer gsii. als noechschts isch milford sound uf em programm gstande. das isch eini vo dae groeschte fjordlandschaft idae welt. diae hoechschte berge raget 1600m senkrecht vom meer empor und alles isch bedeckt mit regenwald. wiil's diae ganz nacht und au am tag regnet het, isch aes uh speziell gsi. ae dae waend und haeng sind hunderti vo wasserfaell is meer gflosse. ich han doet ae boot s'tour gmacht und so ganz noech dra ane choene. will's am mittag chli uf dae het, han ich diae schoenschte und farbestaerkschte regeboge gseh.

leider isch mini kamera und speicherkarte kaputt gange und han so ca. 200 bilder verlore......neeeeeiiiiiiii scheissssse......bin halt chli aen dummchopf gsi.

vo queenstown us han ich mich mit 2 kollegine uf aen 5-tages tramp gwagt. mir hend grad dae routeburn- und greenstone track zeme verchnuepft. zwuesche dure isch es zimli hart gsi.....will mir bis uf 1600m ufekletteret sind........phhuuuaa sind recht isch schwitze cho. isch abr e uh kuuli erfahrig gsi....eifach mol 5 taeg ide wildnis. uebernachtet hemer i so chline alp huetene und hend uf em ofe odr gas kocher eusi super feine mahlziite koched. um eus chli suuuber zbhalte hend mir ues ab und zue es bad imene see oder underem wasserfall goennt.........abr aes isch arsch chalt gsi - ich han i mim lebe, glaub no niae so schnell dusched gha.........brrrrrrrrrrrrrrrr. d'lanschaft gseht also wuerkli so geil us, wiae idae "lord of the rings" filme. mir sind a 2 dreh-orte verbii cho, wo sie benutzt hend fuer dae 3. film "the return of the king". leider han ich vo doet zurziit kei bilder, will diae uf dae kaputte speichercharte sind........

als abschluss han ich mit mim schuelkolleg d'weschtkueschte gmacht. doet gsehsch du unglaublichi landschaftskombinatione, vo gletscher, regewald und meer iieim. uf dae suedinsle isch aes jetzt immer meh in richtig winter gange und so ziitewis sehr chalt worde. bin froh, dass ich jetzt widr im warme norde bin.

lueged d'bilder ah und ich werdet verstah, warum ich so begeischtert bin.......

c u