Auckland Sprachschuel

Hallihallo vom "schoenschte endi vo dae welt"

Huet han ich grad mini Sprachschuel abgeschlosse und auno diae letschte pruefige hinder mich bracht.
Jetzt han ich endlich ziit fuer schoenschte!..go reise....hehehhehe.
Ich han mir da in auckland unterdesse aes guenschtigs secondhand auto under dae nagel grisse und wird so mit mim subaru dur new zealand kruuuse. Huet abig haemer no dae letschti uusgang mit eusere klass gfiiret und sind nomal richtig go feschte.
ja, imine 2 monate dae i dae sprachschuel han ich zimli viel erlebt und widr jede menge neui luuet kenne glernt. am afang isch aes zimli schwer gsii zum diae iheimische da zverstah, will diae haend so schnell und mit aemene komische akzent gschwaetzt. zum glueck isch aes mit dae ziit immer besser gange. mini gaschtfamilie isch eigentlich no recht kuul gsi, han je ein 16- und 17 joehrigi homestay bruedere gha und diae haend mir am afang chli auckland zeigt. nochaer han ich eigentlich meh mit andere studente vo dae schuel unternoh, will sie sind halt doch no chli zjung. Fuer zum dihei mis speaking zverbessere sinds abr immer widr guet si. ich han iminere family viel freiheite gha und han z.b au selber choene choche, was super gsi, will mini homestay mother isch noed grad diae top choechin gsi.

auckland selber buetet eigentlich noed viel speziels, und darum bin ich oft am weekend weggfahre. ich bin z.b. adae weschtkueschte go surfe (abr aes isch cheibe schwer zum uf dae grosse welle zriite - ich versuechs wiiter), bin viel go bade, will aes haet traumhaufte straend idae umgebig, oepe diae au go chlettere oder canyoing mache (d.h. aen fluss abe rocke mit zwuesche inae abseile und ae paar jumps), mir sind au am ninty-mile beach im norde gsi....doet chansch mit aem auto dae beach daeruuf rase, zum glueck haets fascht kei andere autos gah und so haemer choene recht ufs gas pedal drucke, ab und zu ae vollbremsig riskiere und dich im sande umeschwenke la,  jep das isch wuerkli aen spass gsi........
auckland het zahlrichi kulinarische wie au musikalischi festivals und so simer au doet aztreffe gsi.......wine & food festival, rock im park. beer festival etc.....

mit mim homestay brother han ich no alli 3-teili vo "lord of the rings" gluegt und er het mir uf viel background infos choene geh, wills ja da in new zealand dreht worde isch.......villicht wird ich diae oert au no go aluege. (wer's noed kennt - das sind weltberuemti kino films)

aes git au no aes speziels gschichtli vonere sehr sehr speziele wanderig. ja ich weiss wanderig?...das toent zerscht mal langwillig, abr hey, noed "diae wanderig"
mir sind am morge zerscht chli am beach gsi zum relaxe und haend ues daen gege mittag uf d'socke gmacht. grad hinderem strand haend steili klippe agfange, diae sind mir ufekletteret und han nocher choene obe dure laufe, immer wider chli mit abwechlig laufe, chlettere, abegumpe und natuerlich pausene. maengmol isch aes uf dene felsene chli gfoehrlich worde, will aes isch cheibe hoech gsi und mir sind widr mol nur barfuess unterwegs gsi....................... mir lebet abr zum glueck alli no, mir hend nur paar chlinere blessure dae vo treit. mir sind dafuer mit wunderschoene fotosujets und naturschoenheite belohnt worde und natuerlich haet jede chli s'adventure feeling gspuert. zu gueter letscht hemer soger no en wasserfall gfunde, wo mir eus diae erschte "voll natur duschi" haend choene goehne. s'wasser isch zwar iiiiisig chalt gsi, abr das hemer in chauf gno, will nochene simer ja soeger no suuber gsi :-))..............

natuerlich bin ich au no aen rugby matsch go luege. rugby isch da mit abstand diae populaerschti sportart. leider han ich bis jetzt nonig d'nationalmanschaft, "d'all blacks" choene gseh, abr villicht klappt das ja idae noechschte ziit da no. aes isch immer oepis los und will mir d'regle noed so begriffe haend hemer eus umse meh ade herte fights amuesiert. diae goend also wie diae wildischte affe ufenand los, ohni ruecksicht. aes chloepft, aes taescht und zwuesched ine gits widr mol aen touchdown - und diae spielet alli "ohni" helm und andere protektore.

au da gilt gnuessed d'bilder, ich find das isch viel besser als diae langwilligi bricht....hehehe
abr leider han ich fascht kei bilder vom usgang. ich hans vorzoge mini kamera dihei zlah, will ich am afang vom mim ufenthalt dae halbi display zertruemmeret han - bin druf ghocket, ich totsch..............abr janu, chan glich no foetele und das isch ja s'wichtigscht.

so,  jetzt sinder widr uf em neuschte stand, was ich da in new zealand so triibe.
morn gats ab uf min lange road trip duur d'nord-und sued insle vo new zealand, wahrschinli oepe 2 monat, je nach luscht und laune.....

bye bye und villicht bis zum noechschte mol............