Luang Prabang mal inegluegt und etz in Vang Vieng

Laos isch uuu schoen vo de natur her! bin vor es paar tag in luang prabang acho (hehe, mit em chlinschte flugi woni bis etz gfloge bin, en 50-sitzer!), de flughafe z siem reap muess au erwaehnt waerde, ganz oebbis haerzigs!!! egal, bin also in luang prabang acho und scho erwartet worde vo de sarah und em james. die sind aber scho sit 3 tag dete gsi und hend endlich wieder wiiter welle, es siigi z langwiilig da obe! nacheme spaziergang durch de nachtmarkt, hemmer no es paar bierli trunke und sit ab is nescht. am noegschte morge frueh ufgschtande und in minivan nach vang vieng. isch en amuesanti strecki das ich saege uech. de minivan driver hed d militaerpoeschte am strasserand muesse mit zigerette besteche, demit mier jewiils (ohni stop) die streckepoeschte hend choenne ueberfahre...mier hend ues am afang vo de reis no gfragt, oeb de fahrer denn en extreme chetteraucher siigi...neinei, die zigis hend en andere nutze gha! aber s isch denn no besser cho (oder saegemer, d sarah und ich sind nach em 10. paeckli chli paranoid worde)...ploetzlich nimmt er es wiisses handtuechli ind hand und waedlets usem minivan use...mit blick ind berge...mier hend denn uesi passports in sicherheit bracht und uesi bh's mit es paar 100 dollar noetli vollgstopft...weisch ja nie was passiert uf de route 13! s isch de natuerlich nued passiert, aber mier isch die ganzi situation immerno chli suspekt...s hed wahrschinli scho sin nutze gha.

bergli uf, bergli ab...d ussicht womer gha hend isch eifach grandios gsi, han leider (da es bitz uebermueded) e kei foeteli gmacht devo, aber ich han denn es paar vo vang vieng! also vang vieng...acho und de liebi minivan driver hed ues natuerlich wieder mal zu sine fruende is guesthouse bracht...mittlerwiile weiss mer aber, dass mer nie is erschte soell gah, also hemmer ues entschlosse chli wiiter is dorf ine z gah und en um 2/3 billigeri schlafstell z finde...hehe, mier zahlet z dritte grad mal 5 Dollar...isch nid gad vill fuer 3 bett und es badzimmer mit heiss wasser!!! ja, mer choennt meine mer bruuchi kei heiss wasser da in asie, aber ab und zue gaht s thermometer halt uf oebbe 28 grad abe und denn isch sonen warmi duschi no ganz agnaehm ;)

also, z vang vieng hemmer usegfunde gids nid so vill z tueh (oder es gaebti, aber ich mag nid go wandere und caves aluege...mer hend ja s hoelloch diheime und berge gad au!) usser go gummireife miete und de fluss durab triibe. natuerlich mit einige stops wo d dich chasch wie de tarzan a so (wie seit mer nomal...seili?!?!? ) drahaenge,  ume schwinge bisd nuemme magsch und dich is wasser lah falle lahsch! uii, die dinger sind gad chli hoech obe...aber hey, wer weiss wenni das s noegscht mal chan mache, also ufe und los! mier hend gad echli spass gha.....hend s dorf am 12.00 zmittag verlah per tuk tuk und sind am abig am 6i am endpunkt acho...ebe d stops chlo inklusive. isch es riise gaudi das tubing. han denn aber am noegschte tag de priis fuer das ganzi zahlt in dem ich mini arme chuum meh han choenne bewege und lebe etz halt mit chli muskelkater fuer die noegschte paar tag. und fuer morn hemmer (nach 2 tag lang nued tue, ussert film luege ide restaurants und esse) de plan mit em kajak nach vientiane z gah! s waer en 2h trip per bus und es duured de ganzi tag mit em kajak...aber das waer gad echli cool! foeteli gids denn vo dere reis spoeter! ich hoffe mer schaffets endlich mal oebbis produktivs zmache da aenne. da mier aber alli 3 thailand uuu vermissed, werde mer wahrschinli nid lang det bliibe und nach oebbe 2  taeg wieder ab nach bangkok gah! jibbiieeee!! THAILAND ROCKS!!

so, das isches fuer huet!! d sunne schiint immerno und ich gang etz go zmoergele!! tschuessli!