Cambodia, Sihanoukville und Phnom Phen

pfff...da hani doch fascht en ganzi A4 siite gschribe gester und denn stuerzt doch de sch... computer ab!! janu, schriibi das ganze halt gad nomal

ebe, die letschte 2 wuche bini am strand in sihanoukville gsi, und hey, bin gad echli bruun worde..aber das isch en naebesach! en ganzi wuche mit de debbie und denn die 2. mit em ralf, wo mich us holland isch cho go bsueche! cambodia isch uu interessant, mier schiint fascht wie wenn d luuet da vill meh z verzelle hend als in thailand...und sie sind no nid so gnervt ueber de tourismus. ds sihanoukville heds en uuu schoene strand und s esse! han tintefisch gaesse bis mer schlaecht worde isch!! nach 5 tag am stueck hani denn aber wieder mal en pizza brucht :) s truurige isch, am strand heds uu vill bettler, soettigi wo vo de landmine teilwiis arme und bei verlore hend. wenn mer aber jedem chli geld wuerd gaeh, wuersch am abig mit leere haend zrugg is gueshouse gah...s tuet zwar weh, aber mer chan teilwiis fascht nid andersch als eifach nur sorry z saege und de chopf wegdreihe! suscht isches halt en strand wie jede anderi...s hed sunne und es meer :) s highlight isch definitiv s chinesische neujahr gsi! hey sind die cambodschaner abgange!! de strand hed sich de in 2 teil trennt...der einti voll mit tourischte und der anderi voll mit hunderte vo cambodschanische chinese :) die hend gad echli es gaudi gha!! ...vor 3 taeg hemmer ues aber denn wieder uf de weg in norde nach phnom phen gmacht...d hauptstadt!

phnom phen isch eigentlich no zimlich cool. s gueshouse isch gad amene chliine see und de sunneundergang isch de hammer da!! geschter hemmer ues aber uf de waeg gmacht go d killing fields und s gfaengnis S21 aluege. ide 70er sind uu vill intellektuelli, fraue und chind umbracht worde vo de khmer rouge!! und zum chli meh uebers land erfahre, wenn mers ja scho bereist muess mer eifach go luege wie das anno dazumal abgloffe isch. vorallem d foeteli und d gschichte dezue nehmed eim uu mit. wennd chliini meitli mit eme nummereschidli gsehsch, wo dich grad us alueget und du weisch au sie sind umbracht worde!! rede isch i dem momet eifach s falsche gsi, han das ganze zerscht mal chli muesse verarbeite!

und huet isches eher ruhig zue und her gange! mer sind uf de markt gange da im zentrum und denn hani nur mis visum fuer thailand abgholt!! und etz hocki sit oebbe ere stund im internet cafe. all die emails wo scho sit wuche wartet!! morn gahts wieder nach siam reap und denn thailand!! jibbiieee!! freu mi scho riiiesig!!

na dann, das waers fuer de moment, nid so detailliert wienis haett welle, aber ebe, d internet verbindige da hend mer halt chli en strich dur d rechnig gmacht!

bis bald .....lucia