Cambodia, Siem Reap

So, acho simmer vorgester. de darren und d debbie mit debii. sind am morge am halbi 8i im guesthouse z bangkok abgholt worde und am mittag am 2 mit visum etc ade grenze thailand-cambodia acho. jibbie, endlich mal es richtigs visum im pass!! s ueber d grenze cho isch keis problem gsi...zerscht uf de thai siite...ich han mis usreisedatum um 1 tag ueberzoge, hed doch die aelteri dame am schalter das ganz luut muesse uselaerme...AHHHHH OVERSTAY!!!! ja merci...schalter 5 bitte...det hani en buess vo 500 baht muesse zahle, und scho bini in cambodia :) nach de iireis durch de schalter uf de cambodschanische siite (bin mer nid so ganz sicher oeb mer dem so seid?!?)  hemmer denn uesi baht gad in rial umgwechslet...d debbie und ich hend am darren s geld gaeh und er isch mit eim vo uesne grenz begleiter anen schalter gange und heds gwechslet. etz sig aber de schalter keis richtigs wechselbuero gsi, sondern nur en aelteri dame mit eme tascherechner...de liebi darren hed aber offesichtlich nid gschnallt das das ganzi nid so suuber isch und dass er viliicht soett nacheme wechselkurs frage....eh voila, sie hend ues tip top uusgnoh...ja nu, so hani halt nur 2/3 vo mim eigentliche geld wieder zrugg uebercho! ich chans etz au nuemme aendere...aber eis hani glernt...ich gib mis geld nie meh wieder emene maa id haend und traue ab jetzt keim wechselbuero meh :) ...ich han mini lektion glernt...und s isch ja das erschte mal womer so oebbis passiert isch! mittlerwiile nach guet 3 tag da hani au gmerkt dassi am beschte gad us dollars mitgnoh haetti....ebe, immerhin chani etz am ralf, wo mich inere wuche chund go bsueche all die tipps wiitergaeh, so passierts wenigschtens ihm nid!! ...also fertig mit selbschtmitleid!

ahh ja, und d strass vo de grenze nach siem reap isch eifach de hammer gsi! bi ues naennt mer so oebbis landwegli (aber no vill vill schlimmer) schlagloecher am band, es staubet und ueberholt wird alles wo irgendwie ueberholt chan waerde! de grund wieso die strasse nid richtig gmacht waerdet sig anschinend en airline wo em staat vill geld zahlt, demit meh luet per flugi nach siem reap choemed anstatt mit em bus :)...aber ebe, das isch nur gemunkel! mier hend ues denn entschide, obwohl mier es busticket bis SR gha haettet, s taxi z naeh, wo anstatt 5-6h nur 3h lang gha hed fuer die strecki!! und z dritte eis teile isch denn au nid so tuer cho, aber es hed sich definitiv glohnt!! vorallem nacheme lange tag vo umereise und scho wieder uebermuedet im bus inne hocke....

geschter isch de hammer gsi...de darren hed en tag fuer sich brucht (jaja, nach 3 taeg isch s glaesli scho am ueberlaufe gsi :) und d debbie und ich sind per tuk tuk zu de tempel ruine gfahre(Angkor Wat, Angkor Thom etc etc...)...WOW!! die tempel sind zwueschet ca. 900 und 1200 jahr alt und eifach wunderschoen!! ich moecht da gar nid meh dezue saege, han uu vill foeteli gmacht und duen die denn bald abelade, demit ier au oebbis devo hend!!

d mensche da sind uu lieb, so wienis us thailand kaenne...es hed vill meh moench weder in bangkok und s internet isch 10 mal so langsam wie z thailand...aber suscht...mer chan nid klage!! es isch waegem dollar alles es bitzli tuerer, aber immerno im gruene bereich! mier hend endlich es zimmer mit aircon und tv (das hani scho sit 2 moenet nuemme gha!!) ....und de bus fuer an strand isch buecht fuer morn..shinakouville im suede. wieder mal 10h lang im bus hocke, defuer gids als belohnig es bad im meer :) und hoffentlich es bungalow mit meeresblick!! de darren gaht sin eigne waeg und ich gang de ralf am 12. feb ja eh wieder da in siem reap go abhole und mach denn die ganzi tour nomal mit ihm...wos mich nacher anetriibt...ier erfahreds no frueh gnueg!!

bis bald xxxx lucia