hallihallo us em ferne neuseeland
ich bin mittlerwile in auckland acho, wo ich idae noechschte 9 wuche ae sprachschuel mache.
abr zerscht mal zu mine erlebnis in australie. diae 3 wuche haend grad glanget zum s'wichtigschte zgseh.
ich bin in sydney gstartet und daenn mit aem bus richtig norde gfahre. unterwegs han ich stops in newcastle, port stepehens, coffs harbour, lennox head, byron bay, surfers paradise und brisbane gmacht. ich han eigentlich immer i backpackers hostels gschlafe und so immer widr viel neui luet kenne glernt. diae dimensione vo dae streckene sind riesig. du haesch eifach aeh stadt und daenn natur, natur, nichts, nichts und daenn chunt widr aemol ae stadt. ich verzehl eu a paar wichtigi und luschtigi situatione vo mim trip. i dae erschte taeg in australie bin ich voll veregnet worde und han dementsprechend noed allzu viel unternoh.
erscht richtig losgange ische es in port stepehens. will ich ueber d'weihnachtsziit keis anders hostel gfunde han, han ich imene abglegene bungalow abseits vo jederer zivilisation uebernachtet - rundherum eifach nur wald und buschlandschaft. will s'busnetz doet so schlecht isch, bin ich oft zfuess unterwegs gsi. so han ich schoeni strande und buchte entdeckt. unteranderem bin ich uf dae huusberg vo port stepehns ufeglaufe - han grad luscht gha zum oepis sportlichs ztue. doet bin ich eigentlich diae meischti ziit mit dae anna von deutschland unterwegs gsi, will mir haend im gliche hostel gwohnt. uf em gipfel bin ich mit ere wunderschoene usicht belohnt worde (lueg d'bilder).

ae paar taeg spoeter bin ich in coffs harbour acho und han doet chli g'surft. aes haed doet aen wunderschoene strand mit mittelgrosse welle. ich han daenn au grad no glueck gha und han vomene andere backpacker, wo hei gange isch, guenstig choene aes surfboard chaufe. jetzt heisst trainiere, trainiere......so dass ich fuer diae monsterwellene in hawaii gwappnet bin.......hehee.
ueber new year bin ich in lennox head gsi. doet isch aes so luschtig gsi. ich bin am abig vom 31. dez vom poschte heicho und uf aem weg, bin ich amene huus vorbii cho, wo ae paar luet scho am fiiire gsi sind. Diae haend mich eiach iglade mit ihne zfiire. so han ich new year mit ihne i ihrem huus und spoeter imene pub verbracht. .....zimlich gaschtfruendlich diae australier :-). in byron bay und surfers paradise haets eifach nur zwei themene geh, usgang und beach. jedes hostel haet da sin eigene partybus, wo jedi nacht zu 2-3 clubs fahrt. s'hiicho isch eigentlich nie schwer gsi, daefuer s'zrugcho umsomeh.
d'endstation vom mim australie trip isch daen brisbane gsi - aehnlich wiae anderi grossstaedt, aber doch speziel. d'architektur vo alte und neue huueser isch optimal kombiniert. am mim letschte tag bin ich mit em aurelien, emene franzos, uf stradbroke island gsi, das isch a wunderschoeni insle vor brisbane. das isch dae bescht abschluss vo australie gsi, wo ich mir han choene vorstelle.

gnuessed diae schoene bilder, will daen choender eu villicht a biz besser vorstelle, was ich alles gseh han.

witerhin allne ae gueti ziit & bye bye bye