Suedkorea.....

So, da bin ich etz also, nach 2 stunde verspaetig acho in suedkorea und han scho mal muesse mini winterjagge alegge!! ja es isch chalt und no chli en kulturschock, wills eifach so anderscht isch als thailand (isch ja au z erwarte gsi)

aber mier gahts guet und de jade hed mich au am flughafe abgholt...eigentlich hani uech allne uf dem waeg welle schoeni wiehnachte und en guete rutsch wuensche...aber etz muessi zerscht mal go pfuuse, die nachtflueg sind eifach nued fuer mich!! aber vor em schlafe gids etz zerscht nomal pizza! (d suedkoreaner siget suechtig denach hani mier gad lah saege lah)

also meine lieben, es wunderschoens feschtli und ich denke a uech!! wuer au am liebschte bi mine liebe diheime sii...aber defuer chani uech denn wieder oebbis verzelle...fuer das bini ja da :)

merry x mas and a happy new year!!!

lucia

also suedkorea zum zweite...

etz bini sit guet 4 tag da in suwon, han scho zimli vill vo suwon selber gseh und wiehnachte ueberstande. ebe, ich han mini liebe diheime so richtig vermisst! de jade hed de geischt ufgaeh znacht am 12i und ich han sozsaege de wiehnachtsabig vorem pc verbracht! gids oebbis truurigers? aber ebe, etz ischs ja verbii und de trevor, em jade sin kolleg wo in japan wohnt (natuerlich au en kanadier) isch etz au da in suwon (ebe z dritte inere guet 15m2 wohnig! isch scho uuuu eng da inne! gester isch de jade ihn vom flughafe go abhole und ich bin waehrenddesse chli in seoul umetroedlet..isch gad agnaehm gsi mal chli eleige z sii! und ich gfind mich mittlerwiile sogar im subway system z recht. de jade uebertriibts immer chli mit erchlaerige und hed mich sogar no welle abe and station bringe...aso chum!! wennis jetzt nid schaffe eleige underwegs z sii, wenn denn suscht!! aber ebe, ich bin halt es bitzli blond und offesichtlich tendieret viel luet dezue mier d sache lieber 10 mal z saege als nur eimal! aber ebe, anders thema.

was gids zu suedkorea z saege. es isch chalt...zu chalt fuer oebber wie mich vo die letschte 3 moenet (ja, es sind scho fascht ganzi 3 moenet woni underwegs bin) ide hitz vo thailand, malaysie und singapore verbracht hed!! aber ebe, han ja en winterjagge kauft ufem maerkt in bkk und bin gottefroh drum..ach du heilige isch das chalt znacht..! was mier ufgfalle isch, isch dass es sehr sehr wenigi luet hed da wo english redet. und d tafele vor de restaurants genauso, chasch maengisch eifach nur rate was d ueberchunsch zum znacht :) das machts zwar chli schwieriger da z sii, aber so muesch di halt mit haend und fuess irgendwie underhalte...was mittlerwiile eini vo mine staerchene worde isch, sit mer in thailand um d locals umeghanget sind fuer en monet :)

s zugsystem funktioniert wie ide schwiiz, tip top und fascht kei verspaetige. mal abgseh vom grauehafte fischgstank ide wagon inne chani ueberhaupt nid klage! (aber mer gwoehnt sich ja schliesslich a alles, nid wahr) seoul selber isch cool. d luet sind uu stylisch und fuer d fraue isch es de letschti schrei mit miniroeck und hoeche stifeli umezlaufe!! (waer nued fuer mich im moment gad...da 1. kei platz fuer stifeli im rucksack und 2. s isch mer eifach z chalt!!!). was mer ufgfalle isch in seoul (und au da in suwon bim jade diheime) isch, dass es fascht kei westeners hed...ich bin oebbe 4h eleige underwaegs gsi ide stadt und han um die 15 anderi gseh...aber suscht, fascht kei touriste da! und irgendwie wird mer doch nid so aagstarrt wie in thailand. sie nehmed das vill cooler da!  denn gids nomal so oebbis...wenn mer ine schlange zum astah stahd, denn am beschte gad dicht an dicht zu dem vor dier, will suscht draenglet sich die fiese koreaner eifach drininne!! das isch mer huet scho 3 mal passiert...aber offesichtlich macht mer das da so und wartet nur, rache ist suess!! ach ja, und s esse da...mann, ich han gmeint wenni chli noerdlicher gange, denn waerdis vilicht besser, aber au da schmeisst mer unmenge a chilli is esse...ui, ich gang jetzt nid ind detail, aber am noegschte morge moecht mer allig lieber nid ufs wc... bschschshct.............!

so, das waers eigentlich fuer de moement. de grund, wieso s nid so vill foeteli druff hed, isch das eifach z lang duret da...es choemed bald es paar meh druff!!!!

also nadann...bis bald und en dicke kuss nach diheime!

lucia