3. Zwueschestop in Singapur

hallihallo us aem sunnige singapur?

....nei doch noed ganz so sunnig wiae ich mir das vorgstellt han. huet isch min letschte tag in singapur und aes regnet in stroeme sit ich aem morge....hmm besser gseit am mittag ufgstande bin. so fallt mir dae abschied nid so schwer und ich chan mich umsomehr uf sydney freue.

chum bin ich in singapur glandet sind diae 3 tage au scho wider verbii. wie im letschte bricht versproche gits aes neus gschichtli vo minere bekanntschaft am flughafe.
alles haet am flughafe vo bangkok agfange, als ich nach singapur abgfloge bin. mir sind beide hinteraenand bim check-in agstande. tja, wiae saes so woelle haet sind mir halt is gsproech cho. sie chunt vo singapur, heisst si (isch dae spitzname, dae richtige han ich noed choene uspreche) und isch ae paar fruende in thailand go bsueche. s'beschte....sie isch sogar no im mim alter....ja was woet mer no meh, so haet min ufenthalt ja nur choene guet cho.  bereits 2 stund nach eusere akunft simer zaeme in usgang. Will sie natuerli alles beschtens kennt haet, bin ich grad an richtige ort cho - clarke quay - das isch aes ganzes viertel eifach nur mit clubs, bars und restaurants, aes isch riesig und alles ueberdacht (siehe foto).
leider haet sie am samstig meusse arbeite, so haemer eifach no diae ziit vom so bis mo-abig mitenand verbracht.

aber alles aes da reihe na. am samstig bin ich erstuunlicherwis zimili frueh am morge ufgstande. bin mit badtuech, badhose und stadtplan bewaffnet us aem hotel glaufe. diae im hotel haend mir gseit, dass es uf "sentosa island" am beschte zum bade seg (diae lit ca. 500m vorglagert vor am festland). leider haet d'umgebig vom hotel bi tag, ganz andersch usgseh als vorher bi nacht.....so han ich kei ahnig gha wo, was isch. nach vielem froege, verlaufe, froege, verlaufe bin ich endlich an hafe abecho. vo doet han ich daen diae insle gseh.
mer chan entweder min aem bus ueberfahre, ueber brug laufe oder d'gondelbahn benuetze. leider siind bi beidne viel zviel luet agstande (isch halt weekend gsi). so bin ich halt zerscht is grad nebae dra glegene ichaufzentrum gange. vo ich doet ine cho bin haets mich fascht hine use ghaue, uf 3 stockwerk und so stern-foermig baud (mit kino) isch das uh huene, mega riesig gsi. da het mer sicher choene 5-mal diae ganz zuercher-bahnhofstrass inedue und alles pumpe volle min luet. zum glueck isch alles so guet agschriebe gsi, suscht het ich mich garantiert x-mal verlaufe.
will nochedhaer bim bus immer no so viel luet agstande sind, bin ich halt uebereglaufe und han daefuer ca. 1h bruucht. Ich bin daene mit emae wunderschoene strand & palme belohnt worde - siehe fotos.
am abig bin ich widr zrug is hotel, abr damal mit bus und subway. dae spoeteri abig han ich daenn widr bi clarke quay verbracht und han sogar no ae paar anderi tourischte troffe. mis hotel isch grad zmizt im chinatown viertel glege, was dae vorteil gha haet, dass no alles chli traditioneller als der rescht vo singapur isch. d'laede haend 7 taeg und fascht 24h offe. au s'priis niveau isch viel tuefer als in downtown - ich han fuer fascht d'haelfti choene znachtesse.

ja, das waers au scho widr gsi, abr kei angscht aes git ja no witeri destinatione. leider han ich damal nid so viel fotos - han kamera am sa-abig noed in usgang mitgno und am sunntig im hotel vergesse.....

bye