2. Bangkok

salue

han grad wieder aemol frei'i ziit und guenstige internet zuegang, darum han ich daenkt, ich meld mich widr.

mini ziit in bangkok isch uh schnell verbii gange. d'stadt isch uh gross und zimli kompliziert zum d'sache zfinde. alles wird erschwert, da noed viel thai's englisch spreched.

bereits am flughafe vo bangkok han ich ae suedkoreanerin kenneglernt. s'abenteuer bangkok haet doet scho agfange - chum bisch du us aem terminal usecho, haend sie dich scho abpasst und woelle is taxi zerre. will s'taxi abr viel z'tuer gsi isch (halt tourischte priise), haemer's mit aemene ortsbus versuecht. mir haend us duure gfroeget und gfroeget, gfroeget,  d'bues gwechslet, gwartet usw........knappi 2.5 stund haemer schlussendlich bruucht um zaeme is hotel zcho. (fahrziit mit aem taxi 40min....) abr ja aes haet spass gmacht und nebedbi hamer au no 2 kanadierine im bus troffe

mit dae suedkoreanerin han ich daenn au diae erschte 1-2 taeg verbracht. mir haend i daere ziit  viel gseh und au dementsprechend viel foetelis gmacht. sie isch nochaer hei gange. ich bin daen halt aechli alei dur d'stadt gstreift, han aber zimli schnell widr neui luet kenne glernt - aes haet uh viel skandinavierine (-ier) gah. amene andere abig han ich dae stefan vo duetschland troffe. mit ihm bin ich amene openair music festival gsi.

ja, d'stadt selber haet uf viel kontraste, enersiits diae neui subway, skytrain und die viele hochhueser, aber andersiits glich no die enge strasse, alti autos, kaputti hueser und vieli staend a dae strass. am abig isch dae stau so dicht (uf aere 4-spurige hauptstrasse staht eifach alles still), dass du nur no mit aem roller taxi dure chunsch. s'negative isch, aes isch schwuel heiss und aes stinkt heftig nach abgas. zum glueck gits viel meh positivi sitene, z.b. sehr, sehr guets esse (und voralem grossi portione), alles isch uh guenschtig, netti luet und du chansch eifach alles chaufe, muesch eifach immer dae priis abedrucke. mit aem stefan bin ich am "suan lum night bazar" gsi, da bechunsch eifach alles i dene chline laedelis - esse, trinke, chleider, ja sogar moebel. ich han doet so viel kauft, dass ich min koffer fascht nueme zue bracht han.

so fertig verzelt, ich muess widr wiiter. bin sit gescht abig bereits in singapur und han im flugzueg scho widr ae neui frau noechaer kenneglernt.......news dazue gits aber erscht im noechschte bricht.

tschuess