1. Stop: Frankfurt

mini reis hät nöd so guet agfange, bereits am flughafe in züri häts komplikatione geh. a dä sicherheitskontrolle häts ä reisegruppe vor mir gah, weli flüssigkeite eifach loos im handgepäck mitgführt händ. sie händs irgendwie nöd kapiert und au nöd wöle verstah. äs isch recht lang gange, bis dänn endlich ich a d´reihe cho bin - am schluss han ich so gar no uf min flüger müesse seckle, sodass ich ihn nöd verpasse. chum sind alli im flugzüüg gsesse, hät eus dä kapitän mitteilt, dass das flugzüüg än technische defekt hät und mir wechsle müend. ......genial...zerscht heze und nochär wieder warte. am schluss bin ich aber trotzdem heil in frankfurt acho, eifach mit ä biz verspötig.

.....´s`wätter in frankfurt wöt irgendwie gar nöd mitspiele. äs isch iisig chalt und ich bin froh, dass ich ä dicki jacke, chappe und häntsche däbi han. d´stadt selber isch nöd speziels - ähnlich wiä züri, eifach mit ä paar hochhüser. am samstig bin ich no s´fuessballspiel frankfurt - bremen go luege. äs isch während äm ganze matsch ä geili stimmig gsi, gar nöd s´vergliiche mit dä schwiiiz. knapp 52´000 zueschauer sind cho, spiel sälber isch au super gsi, will äs hät 8 goal geh und wiiteri grossi torchancen. am matsch han ich au no dä andre kenneglernt (foto).  mit ihm han ich nochär diä reschtlichi ziit verbracht.

ja hüt abig gahts scho widr wiiter nach bangkok und ich hoffe endlich uf sunne und warmi temperature.

tschüüs & bis zum nöchschte mal