Bangkok, ersti Foeteli und endlich en Bricht!

Also, es tued mer leid...fuer s mich nid maelde, nid schriibe nid aluete, ebe, alles wo mich ueberhaupt irgendwie mit europa verbinde choennt, aber ich tues uech gad erchlaere!

etz hock ich da in bangkok, bin am samschtig letscht wuche acho...han die erste 2 taeg en nette spanier kaenneglernt, aber ebe, mit manne lahds sich halt nid so guet laeschtere wie mit maedels! :) bin denn wo de spanier nach cambodia wiitergange isch, eleige ines uu feins chliises restaurant go esse...und bin nid lang eleige gsi! d sarah isch nach mier ine cho. ich han scho mini 3 flaesche bier vor mier gha und sie hed zerscht gmeint ich heigi fruende mit mier, darum hed sie mich nid agsproche (mann, ich muess au usgseh han betrink mich da eleige)...egal, han sie denn aghaue, oebi mi chli doerf zu ihre anehoeckle und voila...etz verbringemer jede tag mitenand...(oder ebe, jedi nacht..aber dadezue nacher) sind denn nachem znacht gad mal chli go d stadt unsicher mache und sind anere thai bar verbiigloffe...sie hed gseit, sie wuer uuu gern mal det inne gah, aber keine vo de thais ade tuere ladi sie ii...und eleige wuerd sie sich es bitzli unwohl fuehle! voila, ich chume natuerlich mit, s hed naemli en band gspillt und ide bar inne hani mi chli wie im "himmel" gfuehlt...chli go heiweh stille :) am erschte abig hends ues no es bitzli komisch agluegt, denn simmer halt am tag druff gad nomal gange (nachdem dass mer scho am erste tag bis am morge am 7ni underwegs gsi sind --> darum verbring ich meh oder weniger d naecht mit de sarah, s tagesliecht gsehmmer naemli nur immer zwueschet em 5i und 6i am abig, da mier am tag moend schlafe, demit mer am abig wieder fit sind) also, egal. zrugg zum 2te tag. sie hend ues immerno kaennt (ha, keis wunder s isch ja suscht au niemer blond wo det inne verkehrt...) und hend ues scho uesi drinks parat gmacht, ohni dass mier oebbis gseit hend. nachdem dass d bar denn am 1am zuegmacht hed, simmer no wiiter inen bar mit backpackers, wo mer zwei uuu liebi hollaender kaenneglernt hend. mit dene isches denn halt wieder mal spat worde und s bett hed ues erscht am morge am 8i wieder gha!..tag 3 wider mal spaaate namitag: d sarah hed eine vo dene insekte staend gfunde und hed mich ueberredt zum frosch aesse...eh voila, frittierte frosch schmoeckt wie poulet pommes chips!! isch gar nid so schlimm..also, wenn ier mal inere notsituation waered...esse chamer fascht alles, und froesch sind eigentlich no huere guet, wemmer devo abseht, dass es froesch sind! aschliessend hemmer ues wieder ufe waeg gmacht zu uesne nuee fruende :) und huet isch es no vill besser worde. sie hend immer es mitarbeiter aesse jede tag nachem schaffe goends in garte hinder de bar und det staht scho es znacht fuer sie ufem tisch! und sie hend ues iiglade...und scho wieder isches enn uuuu langi nacht worde, mer hend trunke und gaesse und stueck fuer stueck  verstoemmer sogar es bitzli thai!! ...

eigentlich gaebts no so vill z verzelle vo da...mer seit entweder mer hasst oder mer liebt bangkok...woni eleige gsi bin die erste 2 tag hanis au nid moege uusstah, aber ebe, sisch halt scho chli truurig inere grossstadt! aber sit ich d sarah kaenneglernt han gfallts mer da...und vorallem will mier au no chli d thai kultur kaennelernet (oder emel die vo de junge... :)es isch au so haerzig wie sie uf ues uufpasset...nachdem dass d bar gschlosse hed simmer no ufes paar stuehl ide bar inne umeghocket und hend sie denach welle verrume...nei! mier hends nid doerfe alange! und wo sie ues heibegleitet hend zum hotel und nacher es tuk tuk hei hend welle naeh, hani gsaeit ich gaeb ihne es bitzli gaeld, da sie mich begleitet hend und jetzt waeg dem moend heilaufe...nei, das hends au nid welle...und mier fuehlet ues fascht echli schlecht, will mier nid richtig wuessed was mier ihne soelled zrugg gaeh!......so, wenns ab nach chiang mai gaht, das weissi no nid, mag au gar kei entscheidige traeffe im moment, ich gnuesses da naemli so richtig!

also, ich entschuldige mich nomal...es wird bald wieder besser..und denn ghoeret er meh vo mier!! lg lucia