Singapore

nachere agnaehme busfahrt vo kl nach singapore (mit eme hangover) bini kaputt in singapore acho am namitag am 6-i. es isch gad echli en underschiiid zu malaysia wo doch nur en halb stund ewaeg isch vo dere chline insle...echli wie diheime. singapore isch suuber, organisiert, trendy und ja, halt wie mer sich en europaeischi stadt vorstellt. vill business luet usem weste und d asiate so uuftacklet und guet azoge wie suscht niene :).

han im hostel gad no en gruppe vo englaender kaenneglernt und bin denn mit dene go d stadt aluege...im raffles hotel go en singapore sling trinke (wobii ich mit em adam elegant en flaesche wasser teilt han, ich chan eifach kei cocktail trinke am namitag am 4-i), und nachere stund lang de richtig bus sueche wo ues haett soelle in singapore zoo bringe zum en night safari go mache, hemmer ues denn gliich fuer d metropolitan (subway) entschiide. isch no cool gsi, mit em traemmli dur de zoo dure fahre und alles by night...d loewe und tiger hend eim fascht choenne agumpe, und am liebschte haettemer das schreiende baby hinder ues gad...naja, das tueni etz da nid verzelle :) (us ruecksicht uf liebi maensche wo gad extrem schwanger sind im moment ;)

am tag druffe hend die liebe herre denn alli scho muesse gah, nach australie natuerlich! also bini am tag (min mage hed irgendoeppis nid so verlitte) chli an beach ghocket und han de ganz namitag glaese! am abig ischs denn aber mit chli meh fun wiiter gange. de tony, eine wo im hostel (betel box!! sehr z empfehle) schaffet, macht jede dunnschtig en foodwalk. das heisst chasch mit em mitgah und er gaht i oeppe 10 verschiedene restaurants go zaesse hole, wod suscht nid gad ueberchunsch...also los...mer sind oebbe 4 stund underwaegs gsi und permanent am esse (fraget mich bitte nid was ich alles gha han, ich lahn mich da allig uf es bitz sehr viel abentuer ii...aber sisch uf all faell gad echli fein gsi!) aschluessend as feine esse simmer natuerlich no bitz go trinke! ines local pub mit live band (wobi live band....ebe...sie hend halt musig gmacht :) und aschluessend inen uu chlini bar mit seehr sehr vill philippinische maedels..(muess ich da is detail gah?) aber mier hend das ja so welle, was mier aber ufgfalle isch, die fraue det inne (obwohl mier 3 manne debii gha hend) hend sich meh fuer mich interessiert als fuer uesi starche, westlich uussehende type, wieso, das wird es raetsel bliibe, han da naemlich nid nachegfragt!)...da ich suscht ja nid i soettige szene verchere...huiiii...aso ich weiss ja nid so recht! egal, uf all faell isch ploetzlich s liecht usgange und alli ide bar sind uu ruhig worde..am morge um die 2..poliiziistund! und die ruumet gad echli uf! mier hend alli ganz ruhig muesse zum hinderuusgang use und abhaue...s luschtige isch, das isch jede abig de fall det inne, aber uf all faell de trip wert gsi!

so etz hocki da in bangkok und weiss no nid so richtig wasi soell devo halte..bin gester vo singapore us da ane gfloge (natuerlich scho wieder mit eme hangover...grr.. das macht s reise nid gad eifacher :) und han mich gad mal im backpacker viertel iiquartiert. bald choemed wieder neuigkeite, aber fuer de moment....han sones bitzeli heiweh...aber so isches halt, wemmer eleige inere grossstadt isch..kei angscht, chume no nid gad hei!! :)

na dann, bangkok wartet...