Ko Phi Phi

Sawadika!!

da in ko phi phi isch alles es bitz tuerer als in ko lanta! de tourismus isch ebefalls chli uspraegter als i allne plaetz woni vorher gsi bin! d luet toend sich uf d high season vorbereite, i allne gschaefter gids nuei boede, d hoelz tisch vom letschte jahr werdet fuere gholt und nuee lackiert und sie bringets fertig innerhalb vo 2 tag useme loch es internetkafi mit plaettli bode z mache :)

am zweite tag simmer uf de viewpoint ufe gange, es uussichtspunkt vo wo mer uf s doerfli phi phi abegseht! isch zwar astrengend gsi (mier esle sind au am mittag det ufe gloffe...ach stupid farang..farang staht fuer tourischte da in thailand :) und denach uf disere siite vo de insle wieder abe, demit mer hend choenne go schnorchle det aenne!! s hed sich also glohnt...das meer in thailand isch eifach es riise aquarium! aber ebe, das alles isch wieder mal nid ganz gratis gsi! dasmal hend mini bei wieder muesse dra glaube...s isch naemli wieder mal en halbe treck gsi dur de urwald da!! wandere wird no zu minere liiideschaft!! aber ebe, zum glueck hemmer ja denn bim schnorchle die verdienti abchuelig uebercho! das gliche theater natuerli denn au wieder bim zrugglaufe, wos zum glueck erscht ufem view point obe wieder afa hed raegne, suscht waer das wieder zumene drama worde fuer es paar under ues :)

am tag druff hemmer en schnorchel tour rund um ko phi phi buechet! naja, s hed echli truurig agfange, will die erschte 2 plaetz eher chli langwiilig gsi sind, aber nachem (grauehafte) zmittag (riis mit poulet, wobii ich i mim riis inne genau 2 mini stueckli devo gha han) ...ebe nachem zmittag, simmer denn aber an monkey beach...wo eigentlich wie de name scho seit d affe haettet d attratkion soelle sii, wos schnorchle aber so richtig schoen gsi isch. und ich han endlich nach hunderte mal vo versueche s gschafft mini ohne uuszgliche, sodass i laenger und ohni schmerze han choenne under wasser bliibe!! haei was fuer nes erfolgserlebnis!!!! aber nacher isch s erscht richtig toll worde. mer sind and maya bay gfahre wo the film "The Beach" dreith worde isch...de strand selber isch uu schoen gsi, aber nach 3 minute det hemmers denn au gseh. s schoenschte ischs schnorchle gsi!! und da ich mit 3 erfahrene taucher underwaegs bin, hend die mier gad alles choenne zeige! die underwasserwelt isch de hammer da!! muess denn glaub wurklich mal mis tauchprevet go mache...es hed mi packt!!!

aber das isches fuer de moment au scho...ansonten, wie immer, chli de strand gnuesse und fein esse!! schlecht isch mer au no nid worde, also was wotti meh!?!?!

en kuss a alli (mami, daeddy, nadle, grosi, grossdaeddy, riccarda, raffa, catia, kuehne, nadja und roman......etc :) ich vermisse uech alli!!! aber erwartet nid dassi fruehner heichume!! :)

achja, de flug nach suedkorea isch au scho buecht, flueg am 23. dezember nach seoul und bliibe det fuer 3 wuche!! wiehnachte mit oepperem fiire womer kaennt isch aebe scho no oebbis waert!!