cameron highlands und en erste iidruck vo georgetown

han denn ide cameron highlands no en tagesusflug gmacht vom hostel us organisiert. mier sind z 7te imene off road chare ine gsaesse und sind am morge go d teeplantage aluege...en uuu schoeni ussicht uf alles gha. und im vergliich zu de luft in kl isches eifach es zueckerli gsi, endlich mal wieder choenne durez schnuufe. aschliessend sind mer no en stund lang dur de forrest dure gloffe vo de highlands...uiui...das isch mer au en trip gsi...waersch nur 5 meter vom waeg abcho, waer mer am arsch gsi...de isch soo dicht bewachse! und uese guide de kumar hed a jedem 2te struuch irgend es blaettli weggrupft und hed s ues zum schmoecke aneghebet...mann, das hed zueg det obe, vo kaugummi gschmack artige pflanze bis hin zunere bluete vonere blueme wo sie fruener als narkose mittel zum zaeh zieh bruucht hend...brr...und mier abentuerer hend natuerlich alles probiert woner umegaeh hed. am namitag (nacheme feine tandoori chicken zum zmittag) simmer wieder dur d pampa vo dene huegel duregfahre...kurve nach kurve...huegel duruuf huegel durab...haett er ues det uusglade, also ich haett min waeg hei nuemme gfunde! (wobii, das gaht mer ja im moment au eso :) und sind denn zude uuriiwohner, oder wohl eher die wo sich meh oder weniger no selber ernaehred de "orang aslis" gange. die hend jewiils doerfer mit ca 10 familie...buuet ihri huuesli selber und doent baschmatte baschtle...d chinde hend uf de wiise so oebbis wie baseball gspillt und es paar chlini bueble sind fuedliblutt im schlamm umetroolet. mer hend ne auno es paar guetzlis mitbracht vomene shop us de stadt...haei isch das en party gsi wo endlich alli chinde 2-3 stueckli uebercho hend!! zum abschluss heds no tee und es gumel-aehnlichs gmues gaeh bim chief vom doerfli....und scho isches heiwaerts gange..11h underwaegs, das macht mued, aber esse mag mer immer, also simmer am abig gad nomal zum tandoori typ gange go esse!!! en schmaus, das muess mer dene inder lah!

de abig hemmer ganz gmuetlich verbracht. i uesem grueppli heds 3 uu netti englaender gha, d jodie und d sarah wo gad mitenand us thailand cho sind und de andrew wo gad 11 moenet in australie gsi isch....und so hemmer no chli bierlet und de abig gmuetlich lah usklinge lah. isch es riise gaudi gsi mit ihne! und leider sind sie am tag druffe gad nach kl wiitergange..schade eigentlich! vorallem wenn mer gad am afang so netti luet trifft!

also, geschter hani de bus vo tanah rata nach georgetown gno. planet sind 5 stund gsi, und acho simmer erst nach 7h. mit zwueschehalt in ipoh, wo sonen chline malaysier buebel es paar samosa verchauft hed...hmm....sehr z empfehle! und so bin ich jetzt in georgetown. au da im hostel bini nid lang eleige gsi, obwohl mier das ganze am afang echli schraeg vorcho isch, das sehr vill aelteri herre...nued geg aelteri, aber das erwartet mer nid gad wenn mer ines hostel gaht und sonen aasammlig vo ihne sowieso nid. defuer isch de staff hie uu luschtig. 3 chinese i ihrne 60er inne und alli nur no mit de haelfti vo de zaeh, wos soettet ha :) defuer gend sie sich uu mueh din name z wuesse und gruessed dich immer mit eme lache...ganz herzig! nach mim kafi huet am morge, also imene zuestand woni z ertraege bin, hani mi ufe waeg mal ins dorf gmacht...also ebe, es chlises staedtli isches eigentlich! bin zerscht oebbe 2h chli am pier gsaesse, s erscht mal so richtig s meer gseh, naja, s hed mich nid gad zu de schueh us ghaue, aber hey, ab jetzt chas nur no besser waerde..und je wiiter ich nach thailand gah, desto besser wirds! nach mim relaxte umeligge am pier bini nach little india gange, womi en inderi aquatscht hed und unbedingt hed welle dass ich es armchetteli abchaufe...woni das oeppe hundertmal verneint han, hed sie sich naeb mich gsetzt und es coci vo mer welle!...nachere viertel stund toeibele und nachdem ich min drink scho zahlt han, bini denn in kiosk und han ihre und ihrem kolleg je eis kauft..denn sinds z fride gsi und hend ganz haerzig zruggglachet! han ebe irgendwie es schlechts gwuesse uebercho woni so i mis portemonnaie inegluegt han. und ich bin au wiit und breit die einzig wiissi gsi, wobi mer das eigentlich scho zimli egal isch....ich versuech mich jetzt eifach mal aazpasse da (sowiit das au moeglihc isch fuer es blonds, chaesbleichs europaer meiteli). han au scho die erste erfahrige mit es paar komische gricht in restaurants gha...kei ahnig wasi da gaesse han, aber probiere muess mer s halt gliich!..und min mage hed bis jetzt no nid rebelliert!

so sovill zu huet, ich gang bald scho go znachtaesse nach little india und gnuess mal wieder das feine aesse i dem tolle land!!

lucia

ps: foeteli moend scho wieder warte, mann...es isch eifach unmoeglich da en usb acces z finde...defuer gids denn bald en huufe uf eimal!!