and here i am in kuala lumpur

huii, und da bini...huet am morge am 06.30uhr acho am kl airport...ohni problem dur d costums und sofort es taxi ind stadt gno...wie scho erwartet hed mi d luftfuechtigkeit fascht zu de socke us ghaue, aber mer gwoehnt sich schnell dra. denn im hostel acho isch mer alles sooo nett erchlaert worde. ganz en tolli entscheidig gsi da ane zcho! denn mal churz go schlafe fuer oebbe 4 stund und etz hocki da, nachdem ich scho en spaziergang durd chinatown und bukit bintang gmacht han, wieder im hostel. uiuiu...han scho mini erschte noodels gaesse und de groeschti ma vo de welt(muend mal is guiness buch der rekorde luege) gseh :) de isch naemlich au no gad da im bukit bintang umetroolet. gad chli en attraktion...all die malaye mit ihrne foto handys am foeteli mache (...da hanis doch aunid choenne la sii lah)...

ich gnuesses richtig im t shirt umezlaufe...flip flops sind au scho uusprobiert worde. und so als wilkommens gruessli heds no voll gschiffet am namitag, aber das gaht so schnell wieder wies chund...also isch alles wieder troche!

de rauch vo indonesie isch au z bemerke...es hanged dichte dunscht ueber de ganze stadt...das soett aber (vom hoere saege) bald wieder weg sii.

also ier liebe..ich freu mich au vo uech oebbis z ghoere!

mier gahts guet da...sehr guet sogar!! ich sende uech allne ganz liebi gruess,

lucia

ps: han au scho en handy nummere da unne...wer interessiert isch, toend doch eifach schnell es mail schicke!