Bye bye KL, Hallo Cameron Highlands

So, nach einer kurzen nacht stand ich gegen 7uhr auf und hab dann um 9uhr den bus in die cameron highlands genommen. aber dazu spaeter.

meine letzten 2 tage in kl waren sehr schoen. bin noch bei den batu caves gewesen (einige wenige fotos werd ich auch dazu noch laden, aber wieder bin ich in einem hostel gelandet, bei dem das nicht moeglich ist)egal, so, aber jetzt wiiter uf schwiizerduetsch. also ebe, batu caves. was soell ich dazue saege. es sind hoehlene zmittst ide pampa usse...ich ha eigentlich es bitz meh erwartet, als das woni denn gseh han, isch aber nid so schlimm gsi, da de bus nur oebbe 70 rappe kostet hed, und vo dem haer eifach en churze trip us kl use gsi isch. wobii, d affe wo ide caves umetroolet sind hend mi zum lache bracht. da das ganze zimlich touristisch gmacht isch, lueget die viecher ab und zue ues maensche sache ab, wie zum bischpil es sprite buechsli wo umegstande isch. prost...wie mier versuecht er noch chrankhaft die letschte paar tropfe uusztrinke. wuer mi ja mal interessiere wie das ganze nacheme bier usgseht :)

am tag druff bini no mit es paar andere vom hostel in es alpamare-aehnlichs schwimmbad gange...natuerlich outdoor. riiiiiesig isches gsi, aber irgendwie haett ich mier es bitzli vorher soelle ueberlegge oebi das wuerklich will mache, han naemli nachere stund gnueg gha devo und leider isch das oebbe en halb stund usserhalb vom zentrum gsi, also bini denn halt gliich no det blibe (und irgendwie isch das ja nid min plan gsi, da uebere z cho und chli i bassin umeschwimme...aber bald gahts ja an strand!!).

fazit vo kl...es isch mier nie langwiilig gsi die 5 taeg dete.s meischte isch super z erreiche z fuess, und wer scho de ganz tag umeglaufe isch, der niid halt eifach es taxi.es isch mer maengisch nid so recht en schwiizer z sii...s indische restaurant grad naebem hostel hed mer en riisige teller mit glasnudle und poulet gmacht (isch super gsi) und woni han muesse zahle isch mer fascht de lade abe..umgrechnet 1 fraenkli...ich glaub ich muess mer das eifach abgwoehne..das ganze hin und her rechne..eifach nur gnuesse...aber ebe..zerscht mal alles ganz ruhig aagah.  die verschiedene kulture ide stadt sind genial...wie scho mal gseit...chasch alles moegliche vo curry ueber noodles zu riis (..wobii..gids da ueberhaupt oebbis anders :) vom morge frueh bis zabig spat ha..scharf oder nid scharf...s gid alles. und ich bin ja nid die erschti touristin dete! KL isch uf all faell z empfaehle fuer oebber wo sin trip afangt. es isch sicher fuer fraue, oder so han ich s gfuehl gha....lauf ja au nid gad i die dunkle gaessli ine, dafuer bini en vill z grosse schisshaas. und wenn mer na will wiiterreise, isch keis problem, d bus fahred naemlich meh oder weniger puenktlich ab und sind uuuuu komfortabel. also mine huet am morge isch z vergliiche gsi mit eme business flug sitzplatz...mit fuessabstuetzi und zum hindere ligge!! hut ab malaysia!! hehe...aebe, jetzt bini ja ide cameron highlands, das isch sonen chline ort tanah rata da ide huegel obe. mit riise tee plantage (boh-tee) und erdbeeri felder (bitte kei frage dadezue, ich han keeei ahnig wieso die erdbeeri aapflanzet da obe :)) das doerfli hed genau 55 chlini shops und oebbe 30 da devo sind restaurant. also, zum da ufe cho fahrt mer bitz uf der autobahn oebbe 2 stund und denn gahts ploetzlich kurvig s loch duruf...fuer nomal oebbe 1 stund. das ganzi waer ja gar nid so schlimm (mer gwoehnt sich ja a alles) aber die strasse sind wiiinzig und de busfahrer (womer oebe bis as chuenni cho isch) isch gfahre wie en sau (pardon!). ide kurve inne hed er sogar allig pws ueberholt...huii, han ich zitteret! naja, alles hat ja ein ende und so hock ich jetzt immerno lebendig da und bin froh d fahrt ueberstande z ha!...s isch es bitzli chuel da obe, es jaeggli mues scho sii, aber es soett dur d nacht oebbe -10 grad waerde. mal luege, oeb ich da 2 naecht bliibe oder morn scho riif fuer de strand bin (mis noegschte ziil isch naemlich penang...)..

also, ich finde das langet fuer de moment!

gaanz liebi gruessli us tanah rata, lucia