Warte, warte, warte...

So es staht alles fix..ich gange, flug isch buecht, impfige gsprützt, scho fascht alles züglet...und vo basel hani mi eigentlich au scho verabschiedet...so nach 4 jahr da hanis doch zimli gärn übercho.

aber jetzt fangt öbbis nüüs a, ich elei mit em köbi (min rucksack...han ihn vorgester uf de strecki bs-sz im auto inne tauft)...in asie.

ich chan ja vill läse und mich drüber informiere, aber was denn tag für tag für erläbnis und iidrück uf mich zuechömid, das isch no unklar...darum hani au no nid vill planed...dier erste 5 nächt wird ich mal in kuala lumpur bliiibe, woni am 09. oktober achume..und denn?!?...wer weiss, früehner oder später tuen ich s üch ja denn verzelle.

aber zerscht mal chömed no 2 schöni wuche i de heimat uf mich zue...freu mi uf es letschts mal cervelat...mamis älplermagrone und uf villi villii abschiedsbierli mit familie und fründe!