Liebi Schwiiz und Reisendi!

En Blick id Tagesziitig da macht mer scho chli Angschd, vonere dicke Ziitig sind irgendwie 2 Siitae Worldnews, daevoo no 1 1/2 vo Irak (was ja au irgendwie zu u.s.a. zaehlt...).......muess mi eifach mitem Tagi im Web uf em Neuschdae phalte....suschd verlueri irgendwie d Waelt und was lauft....... dae Tsunami isch au ganz gross i dae Praess gsi natuerli, s Guete isch d Amis haelfed au und ueberall wird donated wies nur ghat....zu Donation (Spaende) spoeter ae male, da choenti es ganzes Buech schribae...ich glaubs ganz Amerika isch donated und duet Volunteering mache..........

dae Tsunami haet mi raecht trurig gmacht, und irgendwie hani s Gfuehl gspuert dasi muesst det abe gha go haelfe ufbaue.....aber isch leider noed dae richtig Ziitpunkt.....will bin ja au a verschidene Ort gsi wo betroffe sind (siehe mini alte Reisebrichtlis Around the World), und da haemmer au Thais (es Girl haet ae Kollegin verlore) und Indonesier....... hoffae d Infrastrukture choend moeglichschd schnaell wider ufbaut waerde und das daene Maensche gli besser ghat.....
was mi ufgstellt haet das da in Amerika Luetlis ghae haet wo dae Bush kritisiert haend, wiler nur irgendwie $40.- millione haet welae springe la am afang, und im Irak wird fuer dae Chrieg irgendwie 4,4 Miliarde usghae pro Monet.....
au d Amis gsehnd was dae Bush fuer en Hirsch isch.....muess eifach ufpasse da wasi fuer Kommentar springe lane waenn Amis ume sind.....
da no ae website womer wunderpraechtig gfallt....
http://www.sorryeverybody.com

Min 1. Januar isch en schoene Hang Over Tag gsi, jessaes, zum Glueck hani noed muesse schaffae.... I eim vo eusne Penthouse-Ruums (natuerli ohni Feischder) haemer am Sylvester abgfaeschded, ae gmixti Gruppe vo Amis, Brasilianer, Aussies und eme Swissi...oepe 20 Luetlis.....mit Dance, Food, Drinks und allem.....zum Glueck haemmer eus noed muesse um dae Security kuemmere, will obedra i dae Turnhalle (jawohl, i wohne undedra a dae Turnhalle) haends aen Alass gha mit Konzert, und die sind luuter gsi als mir..... churz vor dae 12i simmer daenn zu dae oeffentliche YMCA Party gange, nur Staff, und au det isch raecht Alkohol gflosse (will niemerd ume gsi isch wo gluegt haet)......han scho Angschd gha ich muess en Sylvester verbringae ohni 2 Champagner-Flaesche i mine haend.........mit Salsa Dance (bin noed ae male so schlaecht) haemmer daenn d Sylvester Nacht duregfiiret.....

Winter Park Ski Resort* Als erschds grad male vorwaeg, Snowboarde da isch eifach genial! Dae Schnee isch vom Fiinschdae und fallt immer widr....weiss au noed wievill Schnee dass die da haend pro Winter, uf all Faell vill! Nach 3 Taeg dureschneiae hanmi frueh ufgmacht is Skigebiet, dae Parkplatz isch diraekt bim Lift gsi und nachem Boarde hani grad diraekt zu mim Schlitte duese choene. Vo SMR (Snow Mountain Ranch, det woni schaffae) choememer gratis Skipaess ueber, aber sie haend nur 17 Stuck. Das heisst langsam wirds en Kampf drum wer einae ueberchunt pro Tag, aber bis jetzt hani immer choene gha. Und langsam chunts guet, gange faschd jedi Wuchae 3male. Eigentli hani immer am Weekend frei, aber i chan mers au irichte dasi amigs am Morge under dae Wuchae chan go boarde, waeni am Abig muess fahre.
Ca. 2 Stund vo da sind es paar absolut geniali Skigebiet.... Jedae haet sicher scho male vo Vail ghoert, daenn Breckenridge (das gseht villverspraechend us), daenn Steamboat, Keystone oder Copper Mountain.....Uuuuuh... Leider bini nonig daezue cho detae go boarde.....d Prisae sind leider au dementspraechend.... Vail und Breckenridge sind je $ 71.-..... wow!

was da suschd so passiert isch......viiiiill.....es lauft naemli immer oepis....d Polizei isch natuerli im Resort au scho verbii cho..... en Labtop isch useme Zimmer verschwunde vo Geschd..........doch dae Gschiid wonen ipackt haet, isch no uf daem Zimmer en Abig vorane z Bsuech gsi`, so haet en d Police easy gfundae.......natuerli isch dae Labtop im Gepaeck vom Zimmerkolleg versteckt gsi....toll..........somit hockt dae gschid Brasilianer im Gfaengnis und doerf imene Monet vors Gricht gha.....das heisst nachher doerfer eeh grad usreise wiler dae Job los isch.....supi Sach oder?! i sim Zimmer isch au no ae Kamera gfundae worde vomene Agstellte und au 200 Dollar sind male useme Agstelltaezimmer verschwundae....... d Brasilianer haend Angschd gha si werded jetzt all in glichae Topf gworfae.........hmmm....dae Brasilianer isch scho chli ae usnahm gsi......
da fallt mer grad i ich han au scho d Bekanntschaft gmacht mit eme Ami-Polizist...han nachem Boarde woni no mit dae Gedanke uf dae Pischde gsi es Rotliecht verpasst...natuerli isch detae so en Police-Car gstande und haet mi verfolgt mit Blauliecht.......isch das en serioese gsi...unglaublich.....han ae Buess vo $ 35.- uebercho und ae Iladig fuers Gricht (mit Datum!) ....am Afang hanis gar noed tschaeggt....shit......was hani jetzt fuer es schwaerverbraeche begange, hehe..... nach gnauerem laese hinde hani daenn kapiert dasi die buess inert 20 taeg muess izahle und daenn isch bene!..... 2 Strafpuenkt hani au no uebercho, bi 12 verluert mer dae Fahruswis.......waer gar noed guet, will dae bruch i ja fuer min Job.......

jetzt chunt no s Beschdae.........2 Agstellti haend ae Abschidsparty gmacht.... ae Toga-Party.... all gsehnd us wie im alte Rom oder ener z Griechenland miteme wiisae Tuech um d Huefte oder wo au immer....... dae einzig Faehler isch gsi das imene Hotelruum organisiert haend da ufem Ground.....(mer doerfed ja kei Alohol trinkae....)....hanmi scho gfroegt oeb das ae Gschidi Idee isch, vorallem will mer Geschd choenti stoere....... so haend sich oepe 50 Luetlis zu daere Toga Party igfundae, sauluute Sound isch gspilt worde und natuerli jenschdes Alohol konsumiert worde.....voll Abgange..... han natuerli au muesse verbii gha, noed welae Unastaendig si und daene zwei noed Tschau saege...... nach daem ich ae Stund detae gsi bin und vill Spass gha han, haets ploetzli a dae Tuer klopfed (bin grad daenaebed gstande) und dae Security (en wueki easy Typ) isch ussedra gstande.....all sind ploetzli ruhig gsi.........so hani natuerli d Tuer ufgmacht (z erschd no s Bier versteckt) und eigentli nuet dumms daenkt....will es haet no anderi Amis im Ruum gha wo noed vom YMCA gsi sind, und mer sind ja imene Guestroom gsi....... dae Security haet gmeint jedae muess sin Name ghae und daenn heighaa...... es isch scho es Vergehnis waemer nur scho imene Ruum isch wos Alkohol haet und mer detae isch......... nachdem oepe 20 Luetlis usem Ruum cho sind isch eifach nix mer passiert....... hanmi gfroegt wo die Reschdliche 30 blibe sind......jemine.....d Party isch im 2. Stock gsi.......so sind doch all Reschdliche vom Balkon obe abe gumped in Tuefschnee!! mit dae Togas a (noed all, aber vill), au chlini Frauelis, und nachane i dae Chelti (nur Minus 15 Grad) heigsecklet.....hehe....het das ja gaern gseh ae Wildi Truppae mit Togas dur dae Schnee raenne......hihi.........
mer haend daenn doerfe is Human Resource (i schaff ja detae) gha und eus en Speech alose......i han eifach gfundae keine vo dae Agstelltae heg trunkae, sondern nur die Amis wo Geschd gsi sind....egal, es langed gaeg d Alkohol Policy z verstosse nur waemer scho imene Ruum isch wo trunkae wird.......isch ja wie im Mittelalter......somit hani ae Verwarnig (uuuh) uebercho....chani ueberhaupt noed Aernschd nae und interessiert mi au gar noed.....isch mer voellig glich....soelleds halt waens nuet gschiders z tue haend.....uebrigens, bi 2 Verwarnige 'doerfmer" heigha innert 24 stund........tja, waeni waeg so oepisem muesst gha, daenn choenti eifach nur no lache............. uebrigens lueged obe d Photos vo daem Event a.......

und das Weekend haemmer amen richtige Event teilghno, ok, teilghno isch jetzt uebertribae....eifach go luege.... und zwar d Winter X-Games in Aspen.......isch scho immer min Traum gsi mal a sonen Event z gha.........als Erschds grad male es dicks Kompliment ad Organisatore.... alles perfekt dureorganisiert......kaen ja so Alaess us dae Schwiiz (under anderem Freestyle).... dae Parking isch usserhalb und d Shuttlebus fahred immer i churze Abstaend...... grad male vorwaeg, a daem Event gits kei Alkohol, unglaublich!!!! han kein Einzige gseh mitere Flaesche umelaufe, und es wird au noed verchauft.....jessaes, waenn verglichsch mit em Freestyle......ups.....d Amis choend eifach serioes si....
Snowboard Halfpipe, Boardercross, Slopestyle, Moto-X, Snowmobile-Races (so was hani no nie gseh, andersch druff wie die jumped), etc...... aen Alass mit vill Action...
das ganze isch natuerli en Sponsoring Alass, isch eifach teil chli muehsam waens immer Waerbe underbraechige git.....suschd muesst mer halt vill Gaeld zahle zum sonen Alass go luege (isch absolut Gratis gsi, und vill Give-Aways haets ghae) Pictures uf>
http://expn.go.com/expn/index

es git gli ae Internationali Cooking Night.........natuerli wirdi mi au mit Schwiizer Food probiere...jemine.....hoff die choemed daenn noed ae falschi Vorstellig ueber.......Aelpler Makkaroni isch mis Gricht....soetti aso schono anebringe, han ja schliesslich bi mim Mami abgluegt....

Wuensch allne es wundervolls 2005 mit ganz vill Glueck und nur Schoene Erlaebniss*****

Aloha & Peace


Maetti (Snowboard-addicted)