Salut Zaeme!

I versuech mi da langsam langsam a die neu Umgaebig z gwoehne. Es isch wueki vill eifacher, will es haet no vill anderi wo sich a das ganzi muend gwoehne... chasch dr male vorstelle Brasilianer, Kenyaner, Thais, wo no nie Schnee gseh haend i ihrem Laebe.......das muess strub si......

Jetzt haets grad 4 Taeg dureschgneit...mamma mia.....haet das Schnee ghae.... so hanis glaubs no nie gseh schneiae i dae Schwiiz...... mit em Van (mit daem womer amigs umeduesed zu dae verschidene Chalets go putz) simmer a eim Tag 2mal steckae blibae....aber das choend au si will en Jamaicaner (im Schnee, stelled eu das male vor) dae Fahrer gsi isch.... da muess mer aber nur daene vo dae Huswartig aluete und scho schwupp chund so en Pick Up Dich go usezieh...passiert glaubs no vill.....han grad huet es Auto wiiiit naeb dae Hauptstrass gseh liggae.... bin sehr froh dasi es 4x4 Auto han, suschd chaemti scho sehr schlaech vom Flaeck.....
im Auto hani au en Temperaturmaesser......es haet unglaublichi -8 Fahrenheit azeigt.....oder das heisst anders - 25 Grad (i dae Nacht).....wow..... d Schibene sind sogar vo inne gfrohre gsi.........daefuer haet s Suenneli ueber die wunderbari verschneiti Landschaft gschunae am Tag.......also, fruehred noed bi 1 Grad i dae Nacht.....jojo.....
und ich han muesse schaffae, supa!.... wird langsam richtig nervoes, hans immer nonig gschafft go boarde......aaaaaaaaaaaaaaaaaaaah.......... muend halt vill schaffae momentan....isch Thanksgiving (dae gstopfti Truthan-Tag).
Am Samstig hani doerfe 10 Stund und 45 Minute schaffae......das isch schono haert...jessaes.....mer sind all raecht gschluched gsi nachane..........und das mit 3 Dollar i dae Stund.........choendr ja male usraechne wievill dasi ueberchume, und mit wievill Stunde ihr s glichae verdiened..
aber chume scho chli uf d Wael da..... waeni Eusi Loehn verglichae mit dae ganze Waelt..... zum Bispil ae Brasilianerin wo 6 Taeg i dae Wuchae imene Backoffice vomene Hotel gschafft haet wo in Brasilie umgraechnet oepe 600 Stutz verdient haet......

Suavemente! mer haend ae chlini Latino Party verastaltet....gseh scho, muess min Tanzstil umstellae...ich und Latino-Dance.......versuechs ja......immerhin d Grundschritt chani..........vo Salsa, Bachata, Merengue und die Brasilianische Sache isch alles cho.......so sind oepe 20 Luetlis imene chlinae Ruhm mitere ueble Sound-Alag am umedance gsi.......und das ganze natuerli ohni Alohol........aber es isch raecht abgange.....looooki at the pictures........und ein Thai, dae Net (das isch wueki sin Name), haet vollgas ghae......han no nie soooooo en Thai dance gseh bis sini Schuehsolle braennt haet....jiha...........

Alkohol-Policy......die naemeds da scho seeehr straeng mit daem......im Glaend doerf mer noed ae male es Bierli trinkae, au ned i Eusnae schaebige Unterkunft......mer choend grad gspickt waerde waenn mer verwuetschd wird.....aber han noed umesuschd scho mit em Security Bekanntschaft gmacht und mit ihm guet umeblabberet.......will, ja, das isch halt doch schwirig das so richtig izhalte....trink halt doch male gaern es Bierli, und ich bin ned dae einzig da....... und min Chare isch aen guete Chuehlschrank........
was mer au ned doerf isch ab em 11 pm Man i Woman ZImmer sich ufhalte und umgekehrt, das isch glaubs jedae Abig bis jetzt brochae worde.......
Vorgeschdr simmer anere Absturz-Ami-Aussie Party glandet i irgend em Appartment.....jemine.....alles Luetlis wo im Skiresort schaffed.......bind dae Fahrer gsi und drum ueberhaupt ned uf dae Stufe vo dae andere gsi......dae einti Brasilianer wo mitcho isch, haet sich wie imene Film gfuehlt......all sind umetorklet und haend i daere chlinae Wohnig tanzt..... ploetzli isch es Girl z fluege cho (wie Stagediving) und han sie doerfe witerghae, und dae einti Bewohner isch a dae Decki ghanget und haet sich umegschwunge........Amis.........

underdessae isch widr 1 Wuchae vergange bisi widr gschafft han am Bricht witer z schribae......und es isch widr Schnee gfalle....und zwar viiiiil Schnee........jessaes, geschdr hani ghulfae 2 1/2 Stund lang Autos uszgrabe, useziieh und z stosse....das isch Fitness-Training pur.......
go Boarde bini leider erschd ein halbe Tag gsi......scho chli ae Umstellig zu dae Schwizer Alpe....da haends eifach Schneisene id Waelder inegschnittae und ihri Skilift angstellt.....s Skigebiet vo Winter Park isch riiiiisig.....und ich chans noed erwarte bisis richtig chan go erchunde..... Mary Jane Bowl muess anderschd haerte Mountain sii.....jihaa........morn am morge mach mi frueh uf zum dae neugfallni Powder go gnuesse..........mal luege oebis schaff, will huet Abig waend widr es paaaar in Usgang gha...noeeeee, Tueeefschnee isch wichtiger.....

es lauft immer irgendwie oepis, und i chume nie zum go frueh schlafe, au faschd ueberhaupt ned zum e-maile....hoffae also scho das wird sich bald aendere, will es faehlt mer scho dae Kontakt zu dae Schwiiz.......snief........das soell jetzt noed heissae i han gross Heimweh, glaubs dae Schnee retted mi und all die Internationale coole Luetlis......da haend die wo voemene heissae Land choemed scho chli meh Problem, aber i hoff i chan nae gli zeigae wie mer Schnee gnuesst.........

s Schaffae isch momentan noed so haert, ueberlaebs raecht guet....mer haend die ganz Wuchae Information-Meetings gha ueber weiss au ned was alles.....chnnn........
Mer haend die Wuchae scho ae Job-Fair gha....das heisst wie so ae Bewerbigs-Rundi fuer anderi Jobs.........haend doerfe Resumees (aendlich wie en Laebenslauf) und Cover Letters schribae...... fuer mich haets natuerli au en Job daebii gha......... #Staff Activities Coordinator#..... hmmm, toent doch no guede.......das heisst det muess mer d Usflueg fuer die Agstelltae organisiere, am Flughafe Luet go abhole, vill fahre und fuer d Human Resources schaffae.......... was mer natuerli muess si, ich en authorisierte Fahrer z sii vo dae Snow Mountain Ranch........zum Glueck hani scho d Colorado Driving License uebercho und au grad die Wuchae no mini Social Security Number (so zimli eini vo dae wichtigschde Nummere da, brucht mer fuer faschd alles..... und det druff gits Records vo allem, was mer fuer Kredit ufnimmt, AHV maessig, etc.)...bin aso scho faschd en richtigae chlinae Ami, jessaes, biiiiiiitte noeeeeeeeeeeeeeeeeeeeeed......... bin dae einzig vo dae Neue Internationale wo sich chan fuer dae Job bewaerbe.......
so hani mis Resumee und Cover Letter abglieferet und es guets Gsproech gha mit daem vo dae Human Resources....han oepe no 2 Mitstritter.................gseht aber glaubs sehr guede us........doerf morn scho male Test-Fahrer spilae fuer zum Zoo in Denver z fahre.......... und waeni dae Job ueberchume muessi scho noechschd wuchae afange, will die Zuestaendig ghat inere Wuchae id Ferie.....das heisst ich muess gli vill laerne und saelbstaendig schaffae, was ja eigentli keis Problemo isch und ich gaern Herusforderige han......vorallem waers au spannend aentli male id Human Resource Abteilig inezluege............mal guggn wies usechund.........das wuerd heissae fuer mich nueme so schnaell WC-Putzae, sugae, etc.....oooooh........und ich daenke ich wuerd Colorado raecht guet kaenelaerne........

d Teschdfahrt erfolgrich hindr mich bracht.......jetzt warti nur no uf Bscheid oebs mi au wueki naemed........

jetzt isch widr en Tag spoeter, und i han Bscheid uebercho......Han dae Job uebercho, jipii, doerf morn scho afange.....das heisst nix mer putzae..... morn muessi scho die erschdae Trips afange z organisiere, will am Samstig ghat mini neu Chefin scho id Ferie............. dae gurk isch dasi am Dunschdig doerf, muess am Flughafe go Luetlis (alles Brasilianer) go abhole.......daebi waer ae tolli Geburiparty imene gmietete Huettli....... c'est la vie......

nomale en Tag spoeter... mis Glueck isch das oepe 6 Brasilianer dae Flug verpasst haend...das heisst ich muess noed an Flughafe duse und ich chan go Party mache.....es git feinae Thaifood.....hmm.....d Thais haends wueki im Griff mit choche.....wird wahrschindli jeeenschdes Luetlis detae ha, und i schlaf sicher detae....muess eifach morn am 8i im Buero si.....
Staff Trips hani scho es par organisiert... am Maentig goemmer grad ae male anes NBA Game: Denver Nuggets gaege Phoenix Suns..... d Suns sind s beschdae Team die Saison vo dae ganze NBA, das chamer doch noed entgha la...... daenn zischdig goemmer id Hot Springs go relaxe, d Pools sind dusse und mit Schnee rundume isch das sicher vom Fiiinschdae...... daenn haemmer no Christmas Gift Shopping in Denver und am 24.12. isch Fuerwerch in Winter Park und Fackelabfahrt agseit...........es lauft wuerdi saege....chan alles mache wasi wett, genialo.... han grad huet gseh das Aendi Januar d Winter X-Games in Aspen....das doerfi doch ned verpasse........bis zum noechschde Bricht.....

vermiss Di Schwiiz und mini Fruende und Familie###

alles Schoeni


Maetti