28.8. - 23.9.01

Tschau zaeme!

cheap cheap, special price for you my friend, cheap cheap.....only one dollar......pipty........transport?!......haschisch?!......hey my flend, listen to me......
-you wanna massage?!.........pedicure?!.....good luck for you my flend, give me some money..........!......
Waemer s erscht male an Strand chund, und daenn ploetzli vo 5 Fraue bestuermt wird isch mer scho chli verdutzt.....vorallem waens eim grad afanged a dae Fingernegael umefingerle, d Fuess abschabe, die eint wott Massiere.........mit mueh und not chamer daene daenn erchlaere dasmer eigentli ja nur in Fridae wott am Strand liggae.....nuet anders......vor allem waemer seit nei, daenn saegeds nur special price cheap und mached witer........das isch am Afang da raecht muehsam, mer muess sich zerscht dra gwoehne. Mit dae Ziit weismer wiemers muess abwehrae........in ganz Bali ischs ae so, nei verstoends noed ae so guet....mit daem hani scho raecht mueh gha am Afang...will waemer in Thailand nei seit daenn akzeptiereds es au....und da macheds eifach unverfrore witer........

Bali isch ae Insle wo Hunderttusigi vo Touris pro Jahr anechoemed.......gaern gsehni Gescht sind d Japaner, will die eifach grad meischtens dae Erschti pris zahled wo gnaennt wird...(das heisst daene wird s Gaeld us dae Nase zoge...)..normaler wiis muesmer immer meh als d Helfti vo oepisem abehandle.......nur so chunt mer zumene billigae Pris....obwohl s suscht ja au scho billig isch fuer Eusi verhaeltnis......aber Handle ghoert eifach daezue.........noed all Luet tuend gaern Handle............i hanmi dra gwoehnt.....

Uf daere Insle haets wuerki vill schoeni Straend....nur teils isch halt d Stroemig z starch und d Waelle z gross dasmer noed chan go Bade......krass findi au das i teils Oert gar kaen Strand meh haet wos eine gha haet......das heisst will s Riff usse dra wo d Brandig abgfange haet isch zerstoert wordae, meischtens dur Dynamit-Fischerei........so haets eifach daenn dae Sand waeggspuelt......und jetzt stoend es par Resorts ohni Beach da....tja......
daefuer bini in Lovina go schnorchle...mit somene fridlichae Fischerboetli usegschipperet bis zum Koralleriff und daenn detae go schnorchle........wow, aecht vill farbigi Fischis haets gha......Thailand (Koh Tao) isch en richtigae Tuempel daegaege gsi.....

zum Surfe......gnau wonis s erscht male wieder bin go surfe haets natuerli schoeni Spueler Waelle gha......bin raecht drunder cho under 2-3 meter waelle.....help.......daenn hani wieder ae male gwuesst was Natur heisst.....vor allem waemer kei Kondition haet........muess uf all Faell no chli trainiere.........vo Tag zu Tag ischs daenn besser gange.......han au langsam glaernt under dae groessere Waves richtig unde dure tauche........teils muesmer halt raecht lang warte bis male ae Waelle ueberhaupt chunt.....daenn luegt mer halt ae chli ufs Meer use und gnuesst die beruhigendi Stilli..........waer gaern no chli laenger blibae zum witersurfe.......mer brucht eifach Uebig, und i bin nonig so wiit dasi grad Surfchamp wirdae.......brucht schono oepis.........
Kuta isch eifach perfekt fuer Beginner...........en richtigae Beachbreak mit schoene Waves......teils hanis eifach s Braecherisch gfunde......das heisst uf dae ganze laengi sinds teils immer brochae......so hanis z Hawaii noed erlaebt gha..........aber es isch halt scho frustrierend waen eim die 15 jaehrige Indonesier d Waelle waegschnapped..........han sogar aen 6-jaehrige gseh wo ufem Board gstande isch, sin Vater haeten amigs idae Waele aghae.......
Das isch noed s letschti Male woni ufeme Surfboard gstande bin......Aber fuer mich isch Snowboarde eifach vill gmuetlicher....(wett go boarde!!!!).....mer chan easy dae Lift nae und daenn eifach abebraettere........bim surfe muesmer no oepis leischte bis mer ueberhaupt zum gnuss chunt.......und mer wird teils halt raecht gspuelt waemer grad ines Breakout chunt.......

d Waelt isch chli, speziell in Bali......han jenschtaes Luetlis troffae da woni kaent han........underanderem dae Ben die Schlampe (en Aussie) woni vo Arosa kaene.......und daenn no dae Sohn vo minere Guestfamily woni in Hawaii gha han........dae Oakley us Zueri mit sinere norwegischae Fruendin.......und no d Yuko woni au vo Hawaii kaene.......

Habahaba Yami Yami chani nur saege!!! das soell heissae dae Food da isch koestlich.......vorallem Jaffle (fuer Insider) isch mer raecht as Haerz gwachse.....haet jedae morge einae ghae mit Banane..........suscht hamer da aecht dae ranze vollgschlage.......vo goettliche Nasi Goreng am Strasserand fuer en Stutz bis himmlischae Fajitas fuer 6 Stutz...........
es git au so Warungs (aen art Indon. Restaurant) wo amigs neui Movies zeiged, det bspellt mer sich aes Bierli fuer 1.70 und daenn ae Pizza fuer 2 Franke (aecht feini Pizzas) und chan en coole Movie watche.........
Bali isch aecht billig.....wuerki billig.......billiger no als Thailand......uebernachdet hani amigs fuer 7 stutz mit z morge.........

drum fluegi jetzt ab nach Japan damit i detae so richtig Gaeld chan usghae.....help......es soell ja mega tuer si......lan mi ueberrasche..........next Bricht chunt vo detae.......

macheds guet und loend Eu noed dae Hinder abfruehre.......freued Eu vorallem ufs Snowboarde......hach....
und maelded Eu vorallem bi mir......freu mi immer uf es gfrornigs Email.......

Hang Loose
Maetti

http://www.balitravelforum.com