Perth

Hoi Zaeme! Sind er alli fit und munter?

5. Juli

Also... wo ich in Perth glandet bi, hats scho di erschte Problem ge, irgendwie hands 2 Stempel i min Pass gmacht, weiss eignetli niemert warum:-). Per Zuefall hends mi denn use gno und es rise Buero uf ta und namal schoen ueber d Buecher, was das sell und ob ich das au seg und so uf dem Foti:-)).... Wo ich denn endli s Gepeck ha choenne ga hole, hend es paar T-Shirts und en BH us min Backpack use gluegt und e Toblerone wo ich dae Steffi ihrere Hoest-Fam het selle bring haet au gfaehlt, ob me fehlt weissi gar ned wuerkli, gseht scho noem so volle us mini vorder taesche.... saege nume schoggiessendi  glueschtler;-)

Wie vermuetet haends au kei Zit gha im Billabongbackpackers fuer de Pick-up Service, s Taxi isch mer z tuer gsi, also hani uf en Bus gwartet, wo mich zum Glueck graad vors Hostel gfahre haet.

Det a cho bini nuem mued gsi, bi ja schliesslich oeppe 17 Stunde nume umeghocket... Wo ich mis Zimmer bezoge ha, het mini Zimmerkollegin scho pennt. Ha daenn na en Spatziergang gmacht und bi denn um di 2 ipennt, nachdem ich chli TV gluegt ha und sust chli umeglueget ha...

6.Juli

Bi am Morge mit minere Zimmerkameradin vo Colorado ga z Moergele ( for free in Billabong) und a schluessend richtig City. Det hani dae Bus richtig Esperence buechet, wirde ueber Bunnbury nach Donybrook nach Albany, mal luege obs Albanyfaescht vo det isch und denn wird i am Dunstig z Esperence si....

Nach so viel hin und her bim Bus bueche, hemmer d Stadt erkundet, Kings Park, Swanriver etc. mo, mol, Perth isch e schoeni Stadt, nice, nice!\

7.Juli

Huet hani bi dae Stefi ihrere Family d Schoggi abgliferet, das isch in Cottesole, het selle bi dae Grant Street ussitge aber wo au nach ere Stund ken Zug cho ich wot a gschribe gsi isch, dass er det haltet, bini bis Cottesole gloffe und vo det zrug, so 10 Minuetli, echt nix fuer Australie. D Fam isch ned dehei gsi, also hani  s Zuegs vor Tuer gleit.\

Vo det us bini ad Cottesole
Beach und ha per Zuefall na Billabong Bewohner troffe, mit denne bini jeztz grad na unterwegs, also muen schluss mache, das Internet Cafe schluesst...

Ok, bis es anders mal, liebi Gruessli rahel