aloha vo hawaii

wauuuu, diae 21 taeg uf hawaii sind wiae im flug verbii gang.  vom chalte new zealand direkt a diae warme straend vo hawaii isch unglaublich agnehm gsi. jede tag ueber 30 grad und meischtens sunnig. obwohl s'waetter uf hawaii sehr strub isch. aes chan uh schnell kippe - maegmol bin ich am strand glege and dsunne het mir uf dae ranze gschunne und uf dae ruecke het  glichzitig fiine rege prasslet.

in bin uf dae inslene oahu, maui und lanai'i gsi und han versuecht s'urspruengliche hawaii z'gseh. leider isch das abr nueme moeglich, will alles so touristisch und "ver-amerikanisiert" isch.  zum glueck sind diae einzigartige landschafte erhalte bliibe......nach bizli sueche hend mir diae wunderschoene straend mit palme, sandy beaches und kristal klarem wasser doch no gfunde.

leider isch vom surfe her im summer chli tote hose (nur chlini wellene im suede) und so bin ich halt uf maui go kite surfe, wo dae wind um diae jahresziit eifach super isch. (nur north shore)

als ueberraschig han ich no mini eltischti schwoeschter troffe, wo fuer feriae uf hawaii cho isch. mir hend so uf maui es auto gmietet und sind fuer 10 taeg doet umekurvt. u.a hemir no ae "sailing tour" gmacht, wo abr leider nued mit segle gsi isch, will mir kei wind gha hend. daefuer sind mir vo zahlriiche delphins begleitet worde.

uf maui han ich mich id tuefi vom meer hinab gwagt und han min erschte scuba dive trip gmacht. aes isch unglaublich schoen gsi, will du gsehsch ae kunterbunti untwerwasserwelt und chansch sogar mit schiltkroetene schwueme.

diae reschtlichi ziit han ich mit snorchle, suennele, baedele und fuul am strand umelige verbracht.

in honolulu, de groeschte stadt uf hawaii, bin ich ae paar mal am weltberuehmte "waikiki beach" gsi. ebefalls han ich en tag in pearl harbour verbracht - a dem ort, wo d'japaner, d'amerikaner agriffe und alles zerschtoert hend. aes isch zimli iidruecklich, wenn du no diae wrack's vo dae gsunkene kriegschiffe im wasser gseh.

jep, das wer's scho widr gsi. bin huet nacht grad in los angles acho, wo ich mini anderi schwoeschter gang go bsueche.