seoul...immerno suedkorea

ach was soell ich uech da saege! mit villne vo uech hani scho lang nuemme gredt, aber meh us ziitdruck weder lustlosigkeit! han s alte jahr hinder mier glah, s isch eis vo de intensivere gsi! und gaendet heds eher chli hert! bin da ane cho zum en kolleg treffe, woni ide schwiiz kaenneglernt han und irgendwie hed sich usegstellt dass mer uf voellig verschiedene wellelaengene ligget! bin also am silvester namitag mit sack und pack zrugg nach seoul ines hostel...und alles hed sich zum bessere gaenderet! ich gnuesse da jetzt mini letschte paar taeg, bevor ich uebermorn wieder zrugg nach thailand gange! seoul isch grauehaft chalt (ja mer choennt meine als schwiizer sig mer sich das gwoehnt, aber nach 3 moenet ade sunne und ide hitz...das macht mich echli fertig) und irgendwie schlaad das waetter au ufd gmueter. d mentalitaet da isch ganz andersch als in suedostasie! d luet sind sehr fruendlich, aber eher distanziert. seoul selber hed uu vill z buete und ich wohne gad im universitaets viertel, also en gueti gaegend zum vill jungi luet kaennezlerne! am friitig vor em silvester simmer ines cafe gange wo sich koreaner und westener (meistens english lehrer da in korea) treffed und sich chli toend uustuusche. d koreaner moechtet gaern english rede und d english lehrer koreanisch! also ganz en guete egge um neui luet kaennezlerne. mier heds uu guet gfalle und darum bini denn au am silvester abig det ane gange and new years party! hehe, d koreaner sind ganz amuesant teilwiis! s hed oebbe 6 type ume gha mit eme taefeli "friend finder" also wenn immer oebber eleige dete gsaesse isch, sinds zue der cho und hend gfraget mit wem du denn moechtisch rede und hend dich oebber anderem vorgstellt!! en ganz tolli sach, wenn mer eher schuech isch oebber a zspreche!! (ich bezwiifle dass es das ide schwiiz je gaeh wird :) s hed mi afaenglich au eher zum schmunzle bracht, aber hey, die stoend uf das und ich finds ebe au no cool, vorallem wenn de ersti schritt vo andere uebernoh wird!

so und ich gang etz wieder echli go d stadt unsicher mache!! so eleige sii isch aebe au no schoen! foeteli choemed denn wieder wenni zrugg in bangkok bin...vill gids nid, aber so  s eint oder s anderi heds scho debii!

das waers fuer de moment gad...ich hoffe ier hend alli en guete rutsch gha und ich sende uech liebi gruess us seoul!

lucia